এটি ৬বছৰীয়া কণমানি। নাম প্ৰাৰ্চিনা বৰা। টীয়ক নগৰৰ বলমা অঞ্চলৰ প্ৰশান্ত মাধৱ বৰা আৰু কুকি বৰাৰ একমাত্ৰ কন্যা প্ৰাৰ্চনা। “বেন গাৰ্ডেন” হাইস্কুলৰ U.K.G. শ্ৰেণীৰ ছাত্রী প্ৰাৰ্চনা৷ প্ৰাৰ্চনাৰ এক অদ্ভুত কলাৰে কম বয়সতে ‘India Book of Records’ত নিজৰ নাম খুদিত কৰিছে৷ কণমানি প্ৰাৰ্চিনাই নিজৰ চকুত কাপোৰ বান্ধি ওলোটাকৈ ২০ ৰ পৰা ১ লৈ প্ৰতিটো সংখ্যাৰ বৰ্গমূল ১ মিনিট ৩৩ ছেকেণ্ডত গাই ‘India Book of Records’ত স্থান দখল কৰিবলৈ সক্ষম হৈছে৷ কণমানি প্রাৰ্চিনাৰ এই সফলতা আৰু কলাত সকলো অভিভুত। যাক লৈ এতিয়া সমগ্ৰ অঞ্চলটোলৈ আনন্দ কঢ়িয়াইছে৷ পখিলা খেদা বয়সত কণমানি জনীৰ এই সফলতাক প্ৰসংশা কৰিছে অঞ্চলবাসীয়ে৷
