ক’ভিড প্ৰটকল উলংঘা কৰি শিলচৰত তৃণমূল কংগ্ৰেছৰ বিশাল যোগদান সভা। “খেলা হবে” শ্লোগান দি প্ৰায় চাৰি শতাধিক কংগ্ৰেছ কৰ্মীক তৃণমূল কংগ্ৰেছলৈ আদৰে তৃণমূল নেত্ৰী তথা শিলচৰৰ প্ৰাক্তন সাংসদ সুস্মিতা দেবে৷ সভাখনত পৰিলক্ষিত হোৱা নাছিল কোনো সামাজিক দূৰত্ব, নাছিল কাৰো মুখত মাস্ক। দৃশ্যবোৰ দেখিলে এনে লাগে যেন শিলচৰৰ পৰা ক’ৰনা ভাইৰাছে পলায়ন কৰিছে। মন কৰক এই দৃশ্যলৈ সভাখনত কিদৰে মানুহৰ ভিৰ পৰিলক্ষিত হৈছে।
পিছে, সুস্মিতা দেবে ক’ভিড প্ৰটকল উলংঘা কৰা এই অভিযোগ খণ্ডন কৰি দৃঢ়তাৰে কয়, তেওঁ হেনো সম্পূৰ্ণ ক’ভিড প্ৰটকল মানি যোগদান সভা পাতিছে।
উল্লেখ্য যে, আজি শিলচৰৰ এখন হোটেলত তৃণমূল কংগ্ৰেছৰ যোগদান সভা অনুষ্ঠিত হয়। য’ত প্ৰায় চাৰি শতাধিক কংগ্ৰেছ কৰ্মীয়ে কংগ্ৰেছ দল ত্যাগ কৰি তৃণমূলত যোগদান কৰে। সভাখনত বক্তব্য ৰাখি সুস্মিতা দেবে কয়, কেৱল অসম আৰু ত্ৰিপুৰাতে নহয়, দলৰ ভেটি সুদৃঢ় কৰি আমি বিজেপিক সমগ্ৰ দেশৰ পৰা উৎখাত কৰিম।
