কামৰূপ আৰক্ষীৰ বৃহৎ সফলতা। কামৰূপৰ দদৰা আৰক্ষীয়ে অভিযান চলাই উদ্ধাৰ কৰে বৃহৎ পৰিমাণৰ চুৰি হোৱা খিচমিচৰ কাৰ্টুন। উদ্ধাৰ হোৱা খিচমিচৰ পৰিমাণ প্ৰায় ৩২৪ কাৰ্টুন। উদ্ধাৰ হোৱা খিচমিচখিনিৰ বজাৰ মূল্য প্ৰায় ৮ লাখ টকা। নগাঁৱৰ কামপুৰ আৰু মৰিগাঁৱত উদ্ধাৰ কৰে খিচমিচখিনি। যোৱা ২৭ এপ্ৰিলত কামৰূপৰ শিঙিমাৰী শীতলীকৰণ ভৱনৰ পৰা গুৱাহাটীলৈ আনি থকা অৱস্থাত হৰলুকি হৈছিল ৮ লক্ষাধিক টকা মূল্যৰ খিচমিচখিনি। ঘটনাৰে জড়িত দুজনক আটক কৰিবলৈ সক্ষম হৈছে দদৰা আৰক্ষীয়ে। ধৃত লোক দুজন ক্ৰমে গোবিন্দ মল্লিক আৰু জহৰুল হক। নিশা দদৰা আৰক্ষী চকীৰ ভাৰপ্ৰাপ্ত আৰক্ষী বিষয়া শংকৰজ্যোতি নাথৰ নেতৃত্বত চলিছিল অভিযান।
