প্ৰতিষ্ঠা দিৱস উপলক্ষে মুকলি পানীত মাছৰ পোনা মেলা কাৰ্যসূচী ৰূপায়ন
আজি ১৯ জুন, এই দিনটোতেই প্ৰকৃতি সুৰক্ষাৰ মহান উদ্দেশ্য বুকুত বান্ধি আৰম্ভ হৈছিল অৰণ্য সুৰক্ষা সমিতি -অসম। এই প্ৰকৃতি সুৰক্ষা সংস্থাটিৰ আজি ২৮ সংখ্যক প্ৰতিষ্ঠা দিৱস। বিগত ২৮টা বছৰে অৰণ্য সুৰক্ষা সমিতি- অসমে অহৰ্নিশে কাম কৰি আহিছে ধুনীয়া ধৰণীৰ স্বাৰ্থত।
আজি এই প্ৰতিষ্ঠা দিৱস উপলক্ষে মুকলি পানীত মাছৰ পোনা মেলা কাৰ্যসূচী ৰূপায়ন কৰা হয়, যিহেতুকে ৰাজ্যত যথেষ্ট পৰিমাণে হ্ৰাস পাইছে থলুৱা প্ৰজাতিৰ মাছ। বিলাসীপাৰাৰ হাকাম বিলত আয়োজন কৰা হয় এই বিশেষ কাৰ্যসূচীৰ। ইয়াৰ লগতে প্ৰতিষ্ঠা দিৱস উপলক্ষে ৰাজ্যৰ ভিন্ন প্ৰান্তত গছ পুলি ৰোপণৰ লগতে বিশেষ বিশেষ স্থানত বিভিন্ন গছৰ বীজ সিঁচা হয়।
