আয়ুবেৰ্দত নহৰুৰ বিশেষ ভূমিকা আছে। নিয়মীয়াকৈ ১/২ কোহ কেঁচা নহৰু খোৱাটো আমাৰ শৰীৰৰ বাবে অতি উপকাৰী। নহৰুৱে শৰীৰৰ ৰোগ প্ৰতিৰোধ ক্ষমতা বঢ়ায়।
প্ৰতি দিনে পুৱা ১/২ কোহ নহৰু গৰম পানীৰ লগত খালে শৰীৰৰ পৰা দূষিত পদাৰ্থ বাহিৰ কৰাত সহায় কৰে। শৰীৰত তেজ পৰিশোধন হয়। ছাল সতেজ হয়। শৰীৰৰ তেজ চলাচল প্ৰক্ৰিয়া সঠিক ভাবে ৰাখে। অপকাৰী কলেষ্টৰল কম কৰে, হৃদযন্ত্ৰ সুস্থ ৰাখে। উচ্চ ৰক্তচাপ নিয়ন্ত্ৰণ কৰে। নহৰুৱে হজম শক্তি বঢ়ায় । পেটফুলা, আভোক , এচিডিটি, গেছ আদি নোহোৱা কৰে। ডায়েবেটিছ ৰোগীৰ বাবেও নহৰু উপকাৰী। নহৰু পিচি লগালে খৰ-খজুৱতিত উপকাৰ পোৱা যায়। ১/২ কোহ নহৰুৰ লগত অকনমান নেমুৰ ৰস মিহলাই খালে শৰীৰৰ ক্লান্তি ভাৱ নোহোৱা হয়। নিশা শোৱাৰ পূৰ্বে ১/২ কোহ নহৰু মৌ ৰসৰ সৈতে খালে টোপনি অনাত সহায় কৰে । প্ৰতিদিনে ১/২ কোহ কেঁচা নহৰু খালে সঘনাই হৈ থকা পানীলগা জ্বৰ-কাহ প্ৰতিৰোধ হয়। গৰু-ঘিউৰ লগত দুকোহমান নহৰু খালে বাত বিষ কম হয় ।