পথাৰত হাল বোৱাত সাধাৰণতে গৰু-ম’হ নাইবা ট্ৰেক্টৰ ব্যৱহাৰ কৰা হয়। এইবাৰ পথাৰত হাল বোৱাত ব্যৱহাৰ বিলাসী Mahindra Thar। বিলাসী বাহনেৰে হাল বোৱাৰ দৃশ্য ছচিয়েল মিডিয়াত ভাইৰেল হৈ পৰিছে। শুনি আচৰিত যেন লাগিলেও এয়াই সত্য। সাধাৰণতে বিলাসী বাহন লোকসকলে যাত্ৰাৰ বাবে ব্যৱহাৰ কৰে। কিন্তু এই যুৱক জনৰ এই অদ্ভুত কাণ্ডই সকলোকে আচৰিত কৰি তুলিছে। বিলাসী বাহনেৰে হাল বাই ভাইৰেল কাছাৰৰ কালাইন অঞ্চলৰ চাকিল আহমেদ। কিন্তু কিয় বিলাসী বাহনেৰে হাল বালে চাকিলে?
ইয়াৰ আঁৰতো আছে এক কাহিনী। চাকিলৰ এজন বন্ধুৰ এখন Thar বাহন আছিল। এদিন চাকিলে সেই বাহনখন চলাব বিচাৰিছিল। কিন্তু চাকিলৰ সেই বন্ধুজনে চাকিলক বাহনখন চলোৱাত বাধা দিলে। চাকিলে সেই দিনাই শপত খালে যে চাকিলে নিজে Thar বাহন ক্ৰয় কৰিব। কথামতেই কাম। চাকিলে শনিবাৰে এখন নতুন থাৰ বাহন ক্ৰয় কৰিলে। ক্ৰয় কৰিয়ে পথাৰত হাল বোৱাত ব্যস্ত হৈ পৰিল চাকিল। আৰু চাকিলৰ হাল বোৱা ভিডিঅ এতিয়া ভাইৰেল সামাজিক মাধ্যমত।
