কাছাৰৰ কুৰকুৰী চাহ বাগিচাত খাদ্যত বিষক্ৰিয়া, বিষাক্ত খিচিৰি খাই মৃত্যু এগৰাকী মহিলাৰ

কাছাৰৰ কুৰকুৰী চাহ বাগিচাত খাদ্যত বিষক্ৰিয়াৰ ঘটনা। বিষক্ৰিয়াত আক্ৰান্ত হৈ স্বৰমতী মুণ্ডা নামৰ এগৰাকী ৫০ বছৰীয়া মহিলাই মৃত্যুক সাবটি লৈছে। কাটিগড়া সমষ্টিৰ চাহ বাগিচাখনত বিষাক্ত খিচিৰি খাই অসুস্থ হৈ পৰিছিল আন ২৫ জন লোক। অসুস্থ সকলৰ ৭জনক সংকটজনক অৱস্থাত শিলচৰ চিকিৎসা মহাবিদ্যালয় হাস্পতালত প্ৰেৰণ কৰা হৈছে। ওচৰৰ শাল চাপৰাত অনুষ্ঠিত পূজাৰ পৰা অনা হৈছিল এই খিচিৰিখিনি। ঘটনাৰ খবৰ পোৱাৰ পিছতে চিকিৎসকৰ দল এটাই চাহ বাগিচাখনত উপস্থিত হৈ পৰিস্থিতিৰ বুজ লয়।