পাঠদান চলি থকাৰ মাজতে গাত খহি পৰিল খিৰিকীৰ ৰেলিং, হাস্পতালত ভৰ্তি ৩ ছাত্ৰীক

শ্ৰেণীকোঠাত পাঠদান চলি থকাৰ মাজতে ৩ ছাত্ৰীৰ গাত শ্ৰেণীকোঠাৰ ভিতৰৰে খিৰিকীৰ লোৰ ৰেলিং খুলি পৰাত আহত ৩গৰাকী ছাত্ৰী। ততাতৈয়াকৈ আহত ছাত্ৰীকেইগৰাকীক শুৱালকুছি FRUত ভৰ্তি কৰোৱা হৈছিল যদিও উন্নত চিকিত্সাৰ বাবে প্ৰেৰণ কৰা হয় GMCHলৈ। মূৰত আঘাত পাইছে ছাত্ৰীকেইগৰাকীয়ে। শুৱালকুছিৰ এঞ্জেলছ ইংলিছ স্কুলত ভয়ংকৰ ঘটনা। বিদ্যালয় কৰ্তৃপক্ষৰ ভুলৰ বাবে এই ঘটনা সংঘটিত হোৱাৰ অভিযোগ অভিভাৱকৰ।