আপুনি কেতিয়াবা লক্ষ্য কৰিছেনে যে ৰোমান্টিক ডেটত যোৱা দম্পতীসকলে এখন সৰু ঘূৰণীয়া মেজত বহি প্ৰেমালাপ কৰে। এই ৰোমান্টিক ডেটৰ টেবুলখনো বিশেষ আকৃতিৰ হয় নহয়নে? যদি আপুনি কাৰোবাক ভাল পায়, আপুনি তেওঁলোকক ৰঙা গোলাপ দি ইয়াক কিয় প্ৰকাশ কৰে? কিয় লিলি, জবা, পদুম বা আন কোনো ফুল নিদিওঁ? এইধৰণৰ কথাবোৰ বহু লোকৰ মনত প্ৰশ্নৰ উদ্ৰেক কৰে।
কোৱা হয় যে প্ৰেমত মত্ত আৰু ড্ৰাগ সেৱন কৰা দুয়োটাই মনৰ একেধৰণে প্ৰভাৱিত কৰে। দুয়োটা ক্ষেত্ৰতে, ডোপামিন নামৰ এক যৌগই মগজুৰ ভিতৰত প্ৰবাহিত হয়। ই আমাক মাতাল অনুভৱ কৰায়। মনোবিজ্ঞানীসকলে বিশ্বাস কৰে যে প্ৰেম ঠিক নিচাৰ দৰে। যেতিয়া আপুনি কাৰোবাক ভাল পায়, আপোনাৰ মগজুৰ স্নায়বিক প্ৰভাৱ কোকেইন বা আসক্তিৰ দৰে একে হয়। আপুনি সুখৰ এক বেলেগ অনুভৱ বা অন্য এক মাত্ৰা অনুভৱ কৰে। সেইকাৰণে হয়তো কোৱা হয় প্ৰেম অন্ধ।
বহু বছৰ ধৰি ফুলবোৰ বিচিত্ৰ বস্তুৰ প্ৰতীক হিচাপে ব্যৱহাৰ হৈ আহিছে। ফুলে ৰোমাঞ্চ, বিবাহ, প্ৰেম আৰু উৰ্বৰতাৰ প্ৰতীকো নিহিত কৰে। ৰাজনীতিত গোপন বাৰ্তা দিবলৈও ফুল ব্যৱহাৰ কৰা হৈছিল। কোৱা হয় যে ৰাণী ভিক্টোৰিয়াৰ সময়ত মানুহে গোলাপ দি নিজৰ অনুভূতি প্ৰকাশ কৰিছিল। তেতিয়াৰে পৰা, গোলাপ দিয়াৰ পৰম্পৰা চলি আহিছে।
ইয়াৰ কোনো বৈজ্ঞানিক বা আক্ষৰিক সত্য নাই যদিও বিশ্বাস কৰা হয় যে ৰঙা গোলাপে আবেগক প্ৰতিনিধিত্ব কৰে। ৰঙা গোলাপে দেখুৱায় যে আপোনাৰ সম্পৰ্ক শক্তিশালী। ই এটা সম্পৰ্কক শক্তিশালী আৰু অনন্য কৰি তোলে। ই সৌন্দৰ্য, ৰোমাঞ্চ আৰু আকাংক্ষাৰ প্ৰতীক। ইয়াক শক্তি আৰু সাহসৰ প্ৰতীক হিচাপেও ব্যৱহাৰ কৰা হয়। বিবাহিত দম্পতীৰ ৰঙা গোলাপে সুখ সূচায়।
আনহাতে, ডেটিং ছাইট ভিক্টোৰিয়া মিলানৰ এক গৱেষণা অনুসৰি- সম্ভাব্য সংগীক আকৰ্ষিত কৰাত শৰীৰৰ গোন্ধে এক ভূমিকা পালন কৰে। ৬০%ৰো অধিক পুৰুষে নিজৰ সংগীৰ স্বাভাৱিক গোন্ধ ভাল পায় বা পচন্দ কৰে। ৫৩% মহিলাই সম্ভাব্য সংগীৰ প্ৰাকৃতিক গোন্ধ পছন্দ কৰে। গৱেষণাটোত এইটোও কৈছে যে বহু সম্পৰ্ক কেৱল সংগীৰ শৰীৰৰ গোন্ধৰ বাবে ভাঙি যায় বা স্থায়ী নহয়। অৱশ্যে সেয়া সকলোৰে ক্ষেত্ৰত একে নহয়।
