বিৰোধীক তচনচ কৰি মহাৰাষ্ট্ৰত পুনৰ ক্ষমতালৈ আহিছে বিজেপি, একনাথ সিন্দেৰ শিৱসেনা আৰু অজিত পাৱাৰৰ NCP। কিন্তু মুখ্যমন্ত্ৰী পদক লৈ আতৰা নাই জটিলতা। একনাথ সিন্দেক পুনৰ মুখ্যমন্ত্ৰী হিচাপে বিচাৰিছে সিন্দেসেনাই। মুখ্যমন্ত্ৰী দৌৰৰ পৰা আঁতৰি গৈছে অজিত পাৱাৰ। অজিত গোটে ঘোষণাই কৰিছে বিজেপি নেতা প্ৰাক্তন মুখ্যমন্ত্ৰী দেবেন্দ্ৰ ফাড়নবিছ মুখ্যমন্ত্ৰী হ’লে আপত্তি কৰিব লগা নাই। বিষটোত প্ৰকাশ্যে মন্তব্য কৰাৰ পৰা বিৰত আছে সিন্দেসেনা। আসনৰ ফালৰ পৰা বিজেপি ১৩২খন আসনেৰে সৰ্ববৃহত দল। একক ভাৱে চৰকাৰ গঠন কৰিবলৈ বিজেপিক লাগে মাথো আৰু ১৩খন আসন। একনাথ সিন্দেৰ শিৱসেনাই ৫৭ আৰু অজিত পাৱাৰৰ NCP–এ লাভ কৰিছে মাত্ৰ ৪১খন আসন। এই ফালৰ পৰা দুয়োটা দল বিজিপিৰ পৰা বহুত দুৰৈত। তথাপি মিত্ৰতাত যাতে সৌহাদ্যপূৰ্ণ অৱস্থা থাকে তাৰ বাবে এক সৰ্ব গ্ৰাহ্য ফৰ্মুলা তৈয়াৰ কৰাৰ চেষ্টা চলিছে।
প্ৰথম আঢ়ৈ বছৰৰ বাবে মুখ্যমন্ত্ৰী হ’ব দেবেন্দ্ৰ ফাড়নবিছ। উপ-মুখ্যমন্ত্ৰী হ’ব একনাথ সিন্দে, অজিত পাৱাৰ। চৰকাৰত বিজেপিৰ ২৪, শিৱসেনাৰ ১২, NCPৰ ১০ মন্ত্ৰী থাকিব। ২০১৯ ৰ যাতে পুনৰাবৃত্তি নহয়, তাৰবাবে সাৱধানে আগবাঢ়িব খুজিছে মহাযুটি। অৱশ্যে এই মুহূৰ্তত সিন্দেসেনাই প্ৰকাশ্যে বিদ্ৰোহ কৰিব পৰা আৱস্থাতো নাই। বিজেপিয়ে ফাড়নবিছক পূৰ্ণকালৰ বাবে মুখ্যমন্ত্ৰী কৰিলেও সিন্দে বা অজিত পাৱাৰে বাধা দিব নোৱেৰিব। মুখ্যমন্ত্ৰী হিচাপে কাৰ্যনিৰ্বাহ কৰি একনাথ সিন্দেই উপ মুখ্যমন্ত্ৰী নহও ক’বলৈও যুক্তি নাই। কাৰণ এনে ত্যাগ পূৰ্বে ফড়নবিছে কৰি দেখুৱাইছে। গতিকে এক কম্প্ৰমাইজ ফৰ্মুলাৰে চৰকাৰত থাকিব খুজিছে।
