গুৱাহাটী, ১৪ জুলাই, NKTV: গুৱাহাটী মহানগৰীত আক্ৰান্তৰ সংখ্যা বৃদ্ধি। ৰাজ্যত বিগত ২৪ ঘণ্টাত ক’ভিডত আক্ৰান্ত ২১৬৯জন। ক’ভিড পৰীক্ষা সম্পন্ন হৈছিল ১লাখ ২৪হাজাৰ ৩৮১টা। দিনটোত পজিটিভিটীৰ হাৰ ১.৭৪ শতাংশ। কামৰূপ মহানগৰত ২৫৮জনৰ দেহত কৰ’না ভাইৰাছৰ অৱস্থিতি ধৰা পৰে মঙলবাৰৰ দিনটোত। ২৩জন ৰোগীৰ মৃত্যু। আৰোগ্যৰ হাৰ ৯৫.০৭ শতাংশ। বিগত সময়চোৱাত ৰাজ্যৰ কেবাখনো জিলাৰ লগতে গুৱাহাটী মহানগৰীতো আক্ৰান্তৰ সংখ্যা বৃদ্ধি পোৱাত উদ্বিগ্ন হৈ পৰিছে চৰকাৰ। অসমৰ লগতে উত্তৰ-পূৰ্বাঞ্চলৰ ৰাজ্যসমূহত সংক্ৰমণ ৰোধৰ উদ্দেশ্যে কঠোৰ ব্যৱস্থা গ্ৰহণৰ নিৰ্দেশ দিছে প্রধানমন্ত্ৰী নৰেন্দ্ৰ মোদীয়ে। মঙলবাৰে উত্তৰ-পূবৰ ৰাজ্যসমূহৰ মুখ্যমন্ত্ৰীসকলৰ স’তে অনুষ্ঠিত এক বৈঠকত এই নিৰ্দেশ দিয়ে প্ৰধানমন্ত্ৰীয়ে।
