এইবাৰৰ বাজেটত আপুনি জানিবলগীয়া কথা কেইটা

চলিত বৰ্ষটোত ভাৰতৰ অৰ্থনৈতিক বিকাশ ৯.২ শতাংশ হ’ব বুলি অনুমান কৰা হৈছে, যি সকলো বৃহৎ অৰ্থনীতিৰ ভিতৰত সৰ্বাধিক। মহামাৰীটোৰ প্ৰতিকূল প্ৰভাৱৰপৰা অৰ্থনীতিৰ সামগ্ৰিক, তীব্ৰ প্ৰত্যাৱৰ্তন আৰু পুনৰুদ্ধাৰ আমাৰ দেশৰ শক্তিশালী প্ৰাণোচ্ছলতাৰ প্ৰতিফলন। আজি সংসদত কেন্দ্ৰীয় বাজেট উপস্থাপনৰ সময়ত কেন্দ্ৰীয় বিত্ত আৰু কৰ্প’ৰেট পৰিক্ৰমা মন্ত্ৰী নিৰ্মলা সীতাৰমণে এই কথা ব্যক্ত কৰে।

• এক ক্ষুদ্ৰ-অৰ্থনৈতিক স্তৰৰ সৰ্ব-সামগ্ৰিক কল্যাণমূলক গুৰুত্বৰ সৈতে মেক্ৰ’-অৰ্থনৈতিক স্তৰৰ বিকাশৰ গুৰুত্বৰ পৰিপূৰক
• ডিজিটেল অৰ্থনীতি ও ফিনটেকৰ প্ৰোৎসাহন, প্ৰযুক্তিয়ে বিকাশ, শক্তি পৰিৱৰ্তন আৰু জলবায়ু কাৰ্য্যক সক্ষম কৰিছে
• ব্যক্তিগত বিনিয়োগৰপৰা আৰম্ভ কৰি ৰাজহুৱা মূলধন বিনিয়োগৰদ্বাৰা ব্যক্তিগত বিনিয়োগ বৃদ্ধিত সহায় কৰা গুণী চক্ৰ (virtuous cycle)ৰ ওপৰত নিৰ্ভৰ কৰা।

২০১৪ ৰপৰা, চৰকাৰখনে নাগৰিক, বিশেষকৈ দৰিদ্ৰ আৰু উপান্ত লোকসকলৰ সবলীকৰণৰ ওপৰত গুৰুত্ব আৰোপ কৰিছে আৰু আবাস, বিদ্যুৎ, ৰন্ধন গেছ আৰু পানীৰ উপলব্ধতাৰ বাবে ব্যৱস্থা গ্ৰহণ কৰিছে। চৰকাৰখনৰ ওচৰত বিত্তীয় অন্তৰ্ভুক্তি আৰু প্ৰত্যক্ষ লাভ হস্তান্তৰ নিশ্চিতকৰণৰ বাবে কাৰ্য্যক্ৰম আছে আৰু সকলো সুযোগ ৰক্ষাৰ বাবে দৰিদ্ৰ লোকসকলৰ সামৰ্থ্য সুদৃঢ়কৰণৰ অংগীকাৰ আছে।

বিত্তমন্ত্ৰী গৰাকীয়ে জনায় যে আত্মনিৰ্ভৰ ভাৰতৰ দৃষ্টিত উপনীত হ’বলৈ ১৪টা খণ্ডত উৎপাদনশীলতা সংযোজিত ইনচেন্টিভে উৎকৃষ্ট সঁহাৰি লাভ কৰিছে, যাৰ ফলত অহা ৫ বছৰত ৬০ লাখ নতুন নিয়োগ সৃষ্টিৰ সম্ভাৱনা আছে আৰু অতিৰিক্ত ৩০ লাখ কোটি টকা আয় হ’ব। নতুন ৰাজহুৱা খণ্ডৰ উদ্যোগ নীতি ৰূপায়ণৰ বিষয়টোৰ ওপৰত নিৰ্ভৰ কৰি তেওঁ কয়, এয়াৰ ইণ্ডিয়াৰ মালিকীস্বত্বৰ কৌশলগত স্থানান্তৰ সম্পূৰ্ণ হৈছে, এনআইএনএল (নীলাঞ্চল ইস্পাত নিগম লিমিটেড) ৰ কৌশলগত অংশীদাৰ বাছনি কৰা হৈছে, এলআইচিৰ ৰাজহুৱা বিষয়টো সোনকালেই আশা কৰা হৈছে আৰু আনসমূহো ২০২২-২৩ ৰ বাবে প্ৰক্ৰিয়াত আছে।

নিৰ্মলা সীতাৰমণে গুৰুত্ব আৰোপেৰে কয় যে এই বাজেটে বিকাশৰ বাবে গতি প্ৰদান কৰি থাকিব। ই (১) অমৃত কালৰ পৰিকল্পনাৰ বাবে এক সমান্তৰাল ট্ৰেক প্ৰশস্ত কৰিছে, যি ভৱিষ্যতবাদী আৰু সামগ্ৰিক, যি আমাৰ যুৱ, মহিলা, কৃষক, অনুসূচিত জাতি আৰু অনুসূচিত জনজাতিসকলক পোনপটীয়াকৈ লাভান্বিত কৰিব। আৰু (২) আধুনিক আন্তঃগাঁথনিৰ বাবে বৃহৎ ৰাজহুৱা বিনিয়োগ, ভাৰতৰ বাবে ১০০ ত সাজু হ’বলৈ আৰু ইয়াক প্ৰধানমন্ত্ৰী গতিশক্তিৰ দ্বাৰা তত্বাৱধান কৰা হ’ব আৰু বহু-মুখী দৃষ্টিৰ সমন্বয়ৰদ্বাৰা লাভান্বিত হ’ব। আগবাঢ়ি গৈ, এই সমান্তৰাল পথত, তেওঁ নিম্নলিখিত চাৰিটা অগ্ৰাধিকাৰৰ কথা উল্লেখ কৰেঃ
• প্ৰধানমন্ত্ৰী গতিশক্তি
• সামগ্ৰিক বিকাশ
• উৎপাদনশীলতা বৃদ্ধি ও বিনিয়োগ, চানৰাইজ সুযোগ, শক্তি পৰিৱৰ্তন আৰু জলবায়ু কাৰ্য্য
• বিনিয়োগৰ বিত্তীয় যোগান

প্ৰধানমন্ত্ৰী গতিশক্তিৰ বিষয়ে বৰ্ণনা কৰি বিত্ত মন্ত্ৰীগৰাকীয়ে কয় যে ই অৰ্থনৈতিক বিকাশ আৰু বহনক্ষম উন্নয়নৰ বাবে এক পৰিৱৰ্তনশীল দৃষ্টিভংগী। এই পন্থা সাতটা ইঞ্জিনৰ দ্বাৰা পৰিচালিত হৈছে, যথাঃ পথ, ৰেলপথ, বিমানবন্দৰ, বন্দৰ, গণ পৰিবহণ, জলপথ আৰু লজিষ্টিক আন্তঃগাঁথনি। এই সাতটা ইঞ্জিনে একেলগে অৰ্থনীতিক আগুৱাই নিব। এই ইঞ্জিনসমূহ শক্তি পৰিবহণ, তথ্য প্ৰযুক্তি যোগাযোগ, বাল্ক ৱাটাৰ এণ্ড চিৱেৰেজ আৰু সামাজিক আন্তঃগাঁথনিৰ পৰিপূৰক ভূমিকাৰদ্বাৰা সমৰ্থিত। অৱশেষত, এই পন্থা স্বচ্ছ শক্তি আৰু সবকা প্ৰয়াসৰ দ্বাৰা চালিত– কেন্দ্ৰীয় চৰকাৰ, ৰাজ্য চৰকাৰ আৰু ব্যক্তিগত খণ্ডই একেলগে কৰা প্ৰচেষ্টা– যাৰ ফলত সকলোৰে বাবে, বিশেষকৈ যুৱসকলৰ বাবে বৃহৎ নিয়োগ আৰু উদ্যোগী সুযোগ সৃষ্টি হয়।

একেদৰে, ২০২২-২৩ত এক্সপ্ৰেছৱেসমূহৰ বাবে প্ৰধানমন্ত্ৰী গতিশক্তি মাষ্টাৰ প্লেন প্ৰস্তুত কৰা হ’ব যাতে জনসাধাৰণ আৰু সামগ্ৰীৰ দ্ৰুত চলাচল সহজ হয়। ২০২২-২৩ ত ৰাষ্ট্ৰীয় ঘাইপথ নেটৱৰ্ক ২৫,০০০ কিলোমিটাৰ সম্প্ৰসাৰণ কৰা হ’ব আৰু ৰাজহুৱা সম্পদৰ পৰিপূৰক হিচাপে বিত্তীয় যোগানৰ উদ্ভাৱনীমূলক উপায়ৰ জৰিয়তে ২০,০০০ কোটি টকা সংহত (mobilized) কৰা হ’ব। তেওঁ লগতে কয় যে পিপিপি মোডৰ জৰিয়তে চাৰিটা স্থানত মাল্টিমডেল লজিষ্টিক পাৰ্ক ৰূপায়ণৰ চুক্তি ২০২২-২৩ত সম্পন্ন কৰা হ’ব।

ৰে’লৱেত, বিত্ত মন্ত্ৰীগৰাকীয়ে কয় যে স্থানীয় ব্যৱসায় ও যোগান শৃংখলাত সহায় কৰিবলৈ ‘এক ষ্টেচন-এক সামগ্ৰী’ ৰ ধাৰণা জনপ্ৰিয় কৰা হ’ব। তদুপৰি, আত্মনিৰ্ভৰ ভাৰতৰ অংশ হিচাপে, ২০২২-২৩ ত সুৰক্ষা আৰু ক্ষমতা বৃদ্ধিৰ বাবে থলুৱা বিশ্ব-মানৰ প্ৰযুক্তি কবচ (Kavach) ৰ অধীনত ২,০০০ কিলোমিটাৰ নেটৱৰ্ক প্ৰশস্ত হ’ব। তেওঁ লগতে জনায় যে উন্নত শক্তি দক্ষতা আৰু যাত্ৰী চালনাৰ অভিজ্ঞতা থকা চাৰিশখন নতুন প্ৰজন্মৰ বন্দে ভাৰত ৰে’ল বিকশিত আৰু নিৰ্মাণ কৰা হ’ব আৰু অহা তিনি বছৰত মাল্টিমডেল লজিষ্টিক সুবিধাৰ বাবে এশ পিএম গতিশক্তি কাৰ্গ’ টাৰ্মিনেল স্থাপন কৰা হ’ব।

কৃষিৰ ক্ষেত্ৰত, বিত্ত মন্ত্ৰীগৰাকীয়ে জানিবলৈ দিয়ে যে প্ৰথম পৰ্য্যায়ত গংগা নদীৰ কাষৰ ৫-কিলোমিটাৰ বহল কৰিডৰত কৃষকৰ ভূমিৰ ওপৰত গুৰুত্ব আৰোপ কৰি সমগ্ৰ দেশখনতে ৰাসায়নিক-সাৰ মুক্ত প্ৰাকৃতিক কৃষি কাৰ্য্যক প্ৰোৎসাহন কৰা হ’ব। শস্য মূল্যায়ন, ভূমিৰেকৰ্ডৰ ডিজিটাইজেশ্যন, কীটনাশক ছটিওৱা আৰু পুষ্টিৰ বাবে ‘কিষাণ ড্ৰোন’ ৰ ব্যৱহাৰ বৃদ্ধি কৰা হ’ব। তেওঁ কয়, তৈলবীজ আমদানিৰ ওপৰত নিৰ্ভৰশীলতা হ্ৰাস কৰিবলৈ তৈলবীজৰ ঘৰুৱা উৎপাদন বৃদ্ধিৰ বাবে এক যুক্তিসংগত আৰু ব্যাপক আঁচনি ৰূপায়ণ কৰা হ’ব।

যিহেতু ২০২৩ক আন্তৰ্জাতিক বাজৰা বৰ্ষ হিচাপে ঘোষণা কৰা হৈছে, চৰকাৰখনে শস্য চপোৱাৰ-পিছত মূল্য সংযোজন, ঘৰুৱা ব্যৱহাৰ বৃদ্ধি আৰু ৰাষ্ট্ৰীয় আৰু আন্তঃৰাষ্ট্ৰীয়ভাৱে বাজৰা সামগ্ৰীৰ ব্ৰেণ্ডিঙৰ বাবে সম্পূৰ্ণ সমৰ্থনৰ কথা ঘোষণা কৰিছে।

নিৰ্মলা সীতাৰমণে কয়, কেন-বেটৱা সংযোগ প্ৰকল্প আনুমানিক ৪৪,৬০৫ কোটি টকা ব্যয় সাপেক্ষে ৯.০৮ লাখ হেক্টৰ কৃষকৰ ভূমিত জলসিঞ্চনৰ সুবিধা প্ৰদান, ৬২ লাখ লোকৰ বাবে খোৱা পানী যোগান, ১০৩ মেগাৱাট জল আৰু ২৭ মেগাৱাট সৌৰ শক্তি প্ৰদানৰ লক্ষ্যৰে ৰূপায়ণ কৰা হ’ব। এই প্ৰকল্পৰ বাবে ২০২১-২২ (RE) ত ৪,৩০০ কোটি টকা আৰু ২০২২-২৩ ত ১,৪০০ কোটি টকা আৱন্টন জনোৱা হৈছে। তদুপৰি, দমনগঙ্গা-পিঞ্জল, পাৰ-তাপিনৰ্মদা, গোদাৱৰী-কৃষ্ণা, কৃষ্ণা-পেনাৰ আৰু পেনাৰ-কাৱেৰী, এই পাঁচ নদী সংযোগৰ খচৰা ডিপিআৰ চূড়ান্ত কৰা হৈছে আৰু হিতাধিকাৰী ৰাজ্যসমূহৰ মাজত ঐক্যমতৰ পিছত কেন্দ্ৰই ৰূপায়ণৰ বাবে সমৰ্থন আগবঢ়াব।

বিত্ত মন্ত্ৰীগৰাকীয়ে উল্লেখ কৰে যে জৰুৰীকালীন ক্ৰেডিট লাইন গেৰান্টি আঁচনি (ECLGS) য়ে মহামাৰীটোৰ বিৰূপ প্ৰভাৱ হ্ৰাস কৰাত সহায় কৰিবলৈ ১৩০ লাখৰোধিক এমএছএমইক অতি-প্ৰয়োজনীয় অতিৰিক্ত ঋণ প্ৰদান কৰিছে। তেওঁ লগতে কয় যে আতিথ্য আৰু সম্পৰ্কীয় সেৱাসমূহ, বিশেষকৈ ক্ষুদ্ৰ আৰু সৰু উদ্যোগৰদ্বাৰা, এতিয়াও এইসমূহে মহামাৰী-পূৰ্ব স্তৰৰ ব্যৱসায়ত পুনৰ উপনীত হ’ব পৰা নাই আৰু এই দিশবোৰ বিবেচনাৰ পিছত, ইচিএলজিএছ ক ২০২৩ ৰ মাৰ্চলৈকে সম্প্ৰসাৰণ কৰা হ’ব। তেওঁ জনাই যে ইয়াৰ গেৰান্টি আৱৰণ ৫০,০০০ কোটি টকাৰদ্বাৰা মুঠ ৫ লাখ কোটি টকাৰ আৱৰণলৈ সম্প্ৰসাৰণ কৰা হ’ব, এই অতিৰিক্ত পৰিমাণ কেৱল আতিথ্য আৰু সম্পৰ্কীয় উদ্যোগসমূহৰ বাবে বিশেষভাৱে নিৰ্ধাৰণ কৰা হ’ব।

একেদৰে, ক্ষুদ্ৰ আৰু সৰু উদ্যোগৰ বাবে ক্ৰেডিট গেৰান্টি ট্ৰাষ্ট (CGTMSE) আঁচনিখন প্ৰয়োজনীয় পুঁজি সঞ্চাৰৰ সৈতে পুনৰ গঠন কৰা হ’ব। ই ক্ষুদ্ৰ আৰু সৰু উদ্যোগসমূহৰ বাবে ২ লাখ কোটি টকাৰ অতিৰিক্ত ঋণৰ সুবিধা প্ৰদান কৰিব আৰু নিয়োগৰ সুযোগ সম্প্ৰসাৰণ কৰিব। তেওঁ জনায় যে এমএছএমই খণ্ডটোক অধিক প্ৰাণোচ্ছল, প্ৰতিযোগিতামূলক আৰু দক্ষ কৰি তুলিবলৈ ৫ বছৰত ৬,০০০ কোটি টকা ব্যয় সাপেক্ষে এমএছএমই প্ৰদৰ্শন উত্থাপন আৰু ত্বৰান্বিতকৰণ কাৰ্য্যক্ৰম (RAMP) ৰূপায়ণ কৰা হ’ব। উদ্যম, ই-শ্ৰম, এনচিএছ আৰু এএছইইএম পৰ্টেলসমূহ আন্তঃসংযোজিত কৰা হ’ব আৰু ইয়াৰ পৰিসৰ বহল কৰা হ’ব।

দক্ষতা বিকাশ আৰু গুণগত শিক্ষাৰ বিষয়ত আধাৰ কৰি বিত্ত মন্ত্ৰীগৰাকীয়ে কয় যে বিভিন্ন এপ্লিকেশ্যনৰ জৰিয়তে আৰু ড্ৰোন-এজ-এ-চাৰ্ভিচ (DrAAS) ৰ বাবে ‘ড্ৰোন শক্তি’ ক সহজতৰ কৰিবলৈ ষ্টাৰ্টআপসমূহক প্ৰোৎসাহন কৰা হ’ব। নিৰ্বাচিত সকলো ৰাজ্যৰে আইটিআইসমূহত দক্ষতাৰ বাবে প্ৰয়োজনীয় পাঠ্যক্ৰম আৰম্ভ কৰা হ’ব। বৃত্তিমূলক পাঠ্যক্ৰমত, গুৰুত্বপূৰ্ণ চিন্তাৰ দক্ষতা বৃদ্ধি কৰিবলৈ, সৃষ্টিশীলতাৰ বাবে স্থান প্ৰদান কৰিবলৈ, বিজ্ঞান আৰু গণিতত ৭৫০ টা ভাৰ্চুৱেল পৰীক্ষাগাৰ আৰু কৃত্ৰিম শিক্ষণ পৰিবেশৰ বাবে ৭৫ টা স্কিলিং ই-লেব ২০২২-২৩ ত স্থাপন কৰা হ’ব।

তেওঁ কয় যে বিশেষকৈ গ্ৰামাঞ্চল আৰু অনুসূচিত জাতি আৰু অনুসূচিত জনজাতি আৰু অন্যান্য দুৰ্বল শ্ৰেণীৰ শিশুসকলে মহামাৰী-প্ৰেৰিত বিদ্যালয় বন্ধৰ ফলত প্ৰায় ২ বছৰৰ আনুষ্ঠানিক শিক্ষা হেৰুৱাইছে আৰু বেছিভাগেই চৰকাৰী বিদ্যালয়ৰ শিশু। এনেদৰে পৰিপূৰক শিক্ষা প্ৰদান আৰু শিক্ষা প্ৰদানৰ বাবে এক স্থিতিস্থাপক প্ৰণালী গঢ়ি তোলাৰ অৰ্থে বিত্ত মন্ত্ৰীগৰাকীয়ে জনাই যে পিএম ইবিদ্যাৰ ‘এক শ্ৰেণী-এক টিভি চেনেল’ কাৰ্য্যক্ৰম ১২ ৰপৰা ২০০ টিভি চেনেললৈ সম্প্ৰসাৰণ কৰা হ’ব আৰু ই সকলো ৰাজ্যকে ১-১২ মান শ্ৰেণীৰ বাবে আঞ্চলিক ভাষাত পৰিপূৰক শিক্ষা প্ৰদান কৰিবলৈ সক্ষম কৰিব।

বিশ্ব-মানৰ মানসম্পন্ন সৰ্বজনীন শিক্ষাৰ বাবে সমগ্ৰ দেশখনৰ শিক্ষাৰ্থীসকলক তেওঁলোকৰ দুৱাৰমুখতে ব্যক্তিগতকৃত শিক্ষণ অভিজ্ঞতাৰ সৈতে প্ৰৱেশাধিকাৰ প্ৰদান কৰিবলৈ এখনি ডিজিটেল বিশ্ববিদ্যালয় স্থাপন কৰা হ’ব। ইয়াক বিভিন্ন ভাৰতীয় ভাষা আৰু আইচিটি বিন্যাসত উপলব্ধ কৰা হ’ব। বিশ্ববিদ্যালয়খনি এক নেটৱৰ্ক যুক্ত হাব-স্প’ক মডেলত নিৰ্মাণ কৰা হ’ব, যাৰ হাব বিল্ডিং অত্যাধুনিক আইচিটি দক্ষতা থাকিব। দেশখনৰ সৰ্বশ্ৰেষ্ঠ ৰাজহুৱা বিশ্ববিদ্যালয় আৰু প্ৰতিষ্ঠানসমূহে হাব-স্প’কৰ নেটৱৰ্ক হিচাপে সহযোগিতা আগবঢ়াব।

আয়ুষ্মান ভাৰত ডিজিটেল অভিযানৰ অধীনত ৰাষ্ট্ৰীয় ডিজিটেল স্বাস্থ্য বাতাবৰণৰ বাবে এক মুকলি মঞ্চ প্ৰৱৰ্তন কৰা হ’ব আৰু ইয়াত স্বাস্থ্য প্ৰদানকাৰী আৰু স্বাস্থ্য সুবিধাসমূহৰ ডিজিটেল পঞ্জীয়ন, অনন্য স্বাস্থ্য পৰিচয়, সন্মতি পৰিকাঠামো আৰু স্বাস্থ্য সুবিধাসমূহৰ সৰ্বজনীন প্ৰৱেশাধিকাৰ অন্তৰ্ভুক্ত হ’ব।

বিত্ত মন্ত্ৰীগৰাকীয়ে কয়, মহামাৰীটোৱে সকলো বয়সৰ লোকৰ মানসিক স্বাস্থ্যৰ সমস্যা বৃদ্ধি কৰাৰ পৰিপ্ৰেক্ষিতত, মানসম্পন্ন মানসিক স্বাস্থ্য পৰামৰ্শ আৰু যত্ন সেৱাৰ উন্নত প্ৰৱেশাধিকাৰৰ বাবে এক ‘ৰাষ্ট্ৰীয় টেলি মানসিক স্বাস্থ্য কাৰ্য্যক্ৰম’ আৰম্ভ কৰা হ’ব। ইয়াত অন্তৰ্ভুক্ত থাকিব ২৩ টা টেলি-মানসিক উৎকৃষ্ট স্বাস্থ্য কেন্দ্ৰৰ এক নেটৱৰ্ক, য’ত এনআইএমএইচএএনএছ হৈছে ন’ডেল কেন্দ্ৰ আৰু আন্তৰ্জাতিক তথ্য প্ৰযুক্তি প্ৰতিষ্ঠান- বেংগালুৰু (IIITB) য়ে প্ৰযুক্তি সমৰ্থন প্ৰদান কৰিব।

নিৰ্মলা সীতাৰমণে ২০২২-২৩ ত হৰ ঘৰ, নল চে জলৰ বাবে ৩.৮ কোটি গৃহস্থীক সামৰি ল’বলৈ ৬০,০০০ কোটি টকা আৱন্টনৰ কথা ঘোষণা কৰে। বৰ্তমানৰ ক’ভাৰেজ হৈছে ৮.৭ কোটি আৰু ইয়াৰ ভিতৰত ৫.৫ কোটি গৃহস্থীক যোৱা ২ বছৰত টেপৰ পানী প্ৰদান কৰা হৈছিল।

একেদৰে, ২০২২-২৩ ত গ্ৰামীণ আৰু নগৰীয়া উভয় প্ৰধানমন্ত্ৰী আৱাস যোজনাৰ চিনাক্ত যোগ্য হিতাধিকাৰীসকলৰ বাবে ৮০ লাখ ঘৰ সম্পূৰ্ণ কৰা হ’ব আৰু এই উদ্দেশ্যৰ বাবে ৪৮,০০০ কোটি টকা আৱন্টন জনোৱা হৈছে।

প্ৰধানমন্ত্ৰী গতিশক্তিৰ ভাৱনাৰে আন্তঃগাঁথনি আৰু উত্তৰ-পূৰ্বাঞ্চলে অনুভৱ কৰা প্ৰয়োজনীয়তাৰ ওপৰত আধাৰিত সামাজিক উন্নয়নমূলক প্ৰকল্পসমূহৰ বাবে উত্তৰ-পূব পৰিষদৰ জৰিয়তে পুঁজি যোগান ধৰিবলৈ উত্তৰ পূৰ্বাঞ্চলৰ বাবে প্ৰধানমন্ত্ৰীৰ উন্নয়ন পদক্ষেপ (PM-DevINE) শীৰ্ষক এক নতুন আঁচনি ৰূপায়ণ কৰা হ’ব। ১৫০০ কোটি টকাৰ প্ৰাৰম্ভিক আৱন্টনে যুৱ আৰু মহিলাসকলৰ জীৱিকাৰ কাৰ্য্যকলাপ সক্ষম কৰিব, বিভিন্ন খণ্ডৰ খালী ঠাই পূৰণ কৰিব।

২০২২ ত, ১.৫ লাখ ডাকঘৰৰ ১০০ শতাংশই মূল বেংকিং প্ৰণালীলৈ আহিব যিয়ে ১১ নেট বেংকিং, ম’বাইল বেংকিং, এটিএমৰ জৰিয়তে বিত্তীয় অন্তৰ্ভুক্তি আৰু একাউন্টত প্ৰৱেশাধিকাৰ সক্ষম কৰি তুলিব আৰু লগতে ডাকঘৰ একাউন্ট আৰু বেংক একাউন্টৰ মাজত অনলাইন পুঁজি হস্তান্তৰ আগবঢ়াব। ই বিশেষকৈ গ্ৰামাঞ্চলৰ কৃষক আৰু জ্যেষ্ঠ নাগৰিকসকলৰ বাবে সহায়ক হ’ব, আন্তঃকাৰ্য্যকাৰিতা আৰু বিত্তীয় অন্তৰ্ভুক্তিক সক্ষম কৰিব।

স্বাধীনতাৰ ৭৫ বছৰ উপলক্ষে চৰকাৰখনে অনুসূচিত বাণিজ্যিক বেংকসমূহৰদ্বাৰা দেশখনৰ ৭৫ খন জিলাত ৭৫ টা ডিজিটেল বেংকিং ইউনিট (DBU) স্থাপনৰ প্ৰস্তাৱ জনাইছে যাতে ডিজিটেল বেংকিঙৰ লাভালাভ উপভোক্তা-অনুকূলভাৱে দেশখনৰ প্ৰতিটো প্ৰান্তত উপনীত হয়।

এম্বেডেড চিপ আৰু ভৱিষ্যৎ প্ৰযুক্তি ব্যৱহাৰেৰে ই-পাছপ’ৰ্ট জাৰিকৰণ ২০২২-২৩ ত আৰম্ভ কৰা হ’ব যাতে নাগৰিকসকলৰ বিদেশ ভ্ৰমণত সুবিধা বৃদ্ধি হয়।

বিত্ত মন্ত্ৰীগৰাকীয়ে ঘোষণা কৰে যে নগৰ পৰিকল্পনা আৰু ডিজাইনৰ ক্ষেত্ৰত ভাৰতৰ নিৰ্দিষ্ট জ্ঞান বিকাশৰ বাবে আৰু এই ক্ষেত্ৰসমূহত প্ৰমাণিত প্ৰশিক্ষণ প্ৰদানৰ বাবে বিভিন্ন অঞ্চলত পাঁচটালৈকে বিদ্যমান শৈক্ষিক প্ৰতিষ্ঠানক উৎকৃষ্টতাৰ কেন্দ্ৰ (centres of excellence) হিচাপে মনোনীত কৰা হ’ব। এই কেন্দ্ৰসমূহক ২৫০ কোটি টকাকৈ এণ্ডোমেন্ট পুঁজি প্ৰদান কৰা হ’ব।

এনিমেচন, ভিজুৱেল ইফেক্ট, গেমিং আৰু কমিক (AVGC) খণ্ডটোৱে যুৱসকলক নিযুক্তিৰ অপৰিসীম সম্ভাৱনা আগবঢ়াইছে আৰু সেয়েহে ইয়াক বাস্তৱায়িতকৰণৰ উপায়ৰ পৰামৰ্শ দিবলৈ আৰু আমাৰ বজাৰ আৰু বৈশ্বিক চাহিদা পূৰণৰ অৰ্থে ঘৰুৱা ক্ষমতা গঢ়ি তোলাৰ বাবে সকলো অংশীদাৰৰ সৈতে এটা এভিজিচি প্ৰম’শ্যন টাস্ক ফ’ৰ্চ গঠন কৰা হ’ব।

নিৰ্মলা সীতাৰমণে কয় যে সাধাৰণতে দূৰসংযোগ আৰু বিশেষকৈ ৫জি প্ৰযুক্তিয়ে বিকাশ সক্ষম কৰিব পাৰে আৰু নিয়োগৰ সুযোগ প্ৰদান কৰিব পাৰে। তেওঁ জনায় যে ব্যক্তিগত টেলিকম প্ৰদানকাৰীসকলৰদ্বাৰা ২০২২-২৩ ৰ ভিতৰত ৫জি ম’বাইল সেৱা আৰম্ভৰ সুবিধাৰ বাবে ২০২২ ত প্ৰয়োজনীয় স্পেকট্ৰাম নিলাম অনুষ্ঠিত কৰা হ’ব। উৎপাদন সংযোজিত ইনচেন্টিভ আঁচনিখনৰ অংশ হিচাপে ৫জিৰ বাবে এক শক্তিশালী বাতাবৰণ গঢ়ি তুলিবলৈ ডিজাইন-চালিত উৎপাদনৰ অৰ্থে এক আঁচনিৰ শুভাৰম্ভ কৰা হ’ব বুলি তেওঁ লগতে কয়।

প্ৰতিৰক্ষাৰ ৰণক্ষেত্ৰত আমাৰ চৰকাৰ ৰপ্তানি কম কৰা আৰু সশস্ত্ৰ বাহিনীসমূহৰ বাবে উপকৰণত আত্মনিৰ্ভৰতাক উদগণি দিবলৈ সংকল্পবদ্ধ। পুঁজিগত ক্ৰয় বাজেটৰ ২০২১-২২ত ৫৮ শতাংশৰ পৰা বঢ়াই বৰ্ষ ২০২২-২৩ত ঘৰুৱা উদ্যোগৰ বাবে ৬৮ শতাংশলৈকে ধন ৰাশিৰ ব্যৱস্থা কৰা হ’ব। প্ৰতিৰক্ষা ক্ষেত্ৰত গৱেষণা আৰু বিকাশৰ কাৰ্যাৱলীক প্ৰতিৰক্ষা গৱেষণা আৰু বিকাশ বাজেটৰ ২৫ শতাংশ ভাগ উদ্যোগ, ষ্টাৰ্ট-আপ আৰু শিক্ষা জগতৰ বাবে খুলি দিয়া হ’ব।

উদীয়মান সুযোগ সন্দৰ্ভত বিত্ত মন্ত্ৰীয়ে কয় যে কৃত্ৰিম মেধা, ভূ-স্থানিক প্ৰণালী তথা ড্ৰোন, ছেমিকণ্ডাক্টৰ আৰু ইয়াৰ ইক’ছিষ্টেম, অন্তৰীক্ষ অৰ্থব্যৱস্থা, জীনোমিক্স তথা ফাৰ্মাচিউটিকেল, সেউজ শক্তি আৰু স্বচ্ছ আহযাহ প্ৰণালীত বৃহৎ মাত্ৰাত যথাসাধ্য বিকাশত সহায় কৰা তথা দেশক আধুনিক কৰাৰ ব্যাপক সম্ভাৱনা আছে। ই যুৱক-যুৱতীসকলৰ বাবে সংস্থাপন প্ৰদান কৰে তথা ভাৰতীয় উদ্যোগ জগতক অধিক প্ৰভাবশালী আৰু প্ৰতিযোগিতামূলক কৰে।

২০৩০লৈকে সংস্থাপিত আৰু ক্ষমতাৰ ২৮০ জিডব্লিউৰ মহত্বাকাংক্ষী লক্ষ্যৰ বাবে ঘৰুৱা উৎপাদনক সুবিধা প্ৰদান কৰিবলৈ সৌৰ পিভি মডিউলৰ বাবে পলিছিলিকনেৰে সম্পূৰ্ণৰূপে সমেকিত উৎপাদন প্ৰতিষ্ঠানৰ বাবে অগ্ৰাধিকাৰসহ উচ্চ প্ৰভাৱযুক্ত মডিউলৰ উৎপাদনৰে জড়িত উদগণিৰ হেতু ১৯,৫০০ কোটি টকাৰ অতিৰিক্ত আৱণ্টন কৰা হ’ব।

বিত্ত মন্ত্ৰীয়ে জোৰ দি কয় যে সাৰ্বজনীন বিনিয়োগ আগুৱাই যোৱাৰ প্ৰয়োজন আছে আৰু ২০২২-২৩ত বেচৰকাৰী বিনিয়োগ আৰু চাহিদা বঢ়োৱাও আৱশ্যক। এই কথাৰ প্ৰতি লক্ষ্য ৰাখি আকৌ এবাৰ কেন্দ্ৰীয় বাজেটত পুঁজিগত ব্যয়ৰ বাবে পৰিব্যয়ত দ্ৰুতগতিত বৃদ্ধি কৰা হৈছে। এতিয়া ই চলিত বৰ্ষত ৫.৫৪ লাখ কোটি টকা, য’ত ৩৫.৪ শতাংশৰ বৃদ্ধি কৰি ২০২২-২৩ত ৭.৫ লাখ কোটি টকা কৰা হৈছে। ই ২০১৯-২০ৰ ব্যয়তকৈ ২.২গুণতকৈও অধিক বাঢ়ি গ’ল আৰু ২০২২-২৩ত এই পৰিব্যয় জিডিপিৰ ২.৯ শতাংশ হ’ব। এই বিনিয়োগৰ সৈতে কেন্দ্ৰীয় চৰকাৰৰ ‘কাৰিকৰী পুঁজিগত ব্যয়’ ২০২২-২৩ত আনুমানিক ১০.৬৮ লাখ কোটি টকাৰ হৈ যাব, যি জিডিপিৰ প্ৰায় ৪.১ শতাংশ হ’ব।

২০২২-২৩ত চৰকাৰৰ দ্বাৰা ল’বলগীয়া সকলো বজাৰ কালিয়নৰ সন্দৰ্ভত ছভৰেইন গ্ৰীণ বণ্ড জাৰি কৰা হ’ব, যাৰ পৰা সেউজ আন্তঃগাঁথনিৰ বাবে সম্পদ একত্ৰিত কৰা হ’ব। ইয়াৰ পৰা প্ৰাপ্ত ধন সাৰ্বজনীন ক্ষেত্ৰৰ এনেকুৱা পৰিকল্পনাত লগোৱা হ’ব, যি অৰ্থনৈতিক ব্যৱস্থাত কাৰ্বন ইণ্টেন্সিটি কম কৰাত সহায়ক হ’ব।

চৰকাৰে ব্লক চেইন আৰু অন্য প্ৰযুক্তিৰ ব্যৱহাৰেৰে ডিজিটেল টকাৰ আৰম্ভ কৰাৰ প্ৰস্তাৱ কৰিছে, যাক ভাৰতীয় ৰিজাৰ্ভ বেংকৰ দ্বাৰা জাৰি কৰা হ’ব আৰু ইয়াৰ আৰম্ভণি ২০২২-২৩ৰ পৰা হ’ব। সহকাৰী সংঘবাদৰ প্ৰকৃত ভাবনাক প্ৰকট কৰি কেন্দ্ৰীয় চৰকাৰে ‘ৰাজ্যসমূহক বিত্তীয় সাহায্যৰ বাবে পুঁজি বিনিয়োগ যোজনা’ৰ পৰিব্যয় ১০,০০০ কোটি টকাৰ পৰা বঢ়াই ১৫,০০০ কোটি টকা কৰা হৈছে। ইয়াৰ উপৰিও ২০২২-২৩ৰ বাবে অৰ্থনৈতিক ব্যৱস্থাত সকলো বিনিয়োগকাৰীক অনুপ্ৰাণিত কৰাৰ উদ্দেশ্যে ৰাজ্যসমূহৰ সহায়ৰ বাবে ১ লাখ কোটি টকাৰ আৱণ্টন কৰা হৈছে। এই ৫০ বছৰীয়া সুত মুক্ত ঋণ ৰাজ্যসমূহক দিবলগীয়া সাধাৰণ ঋণৰ অতিৰিক্ত। এনেকুৱা আৱণ্টনৰ প্ৰয়োগ পিএম গতিশক্তিৰে জড়িত বিনিয়োগ আৰু ৰাজ্যসমূহৰ অন্য উৎপাদক পুঁজি বিনিয়োগত কৰা হ’ব।

নিৰ্মলা সীতাৰমণে ঘোষণা কৰি কয় যে বৰ্ষ ২০২২-২৩ত ১৫তম বিত্ত আয়োগৰ পৰামৰ্শ অনুসৰি ৰাজ্যসমূহক জিএছডিপিৰ ৪ শতাংশলৈকে ৰাজকোষীয় ঘাটীৰ অনুমতি হ’ব, যাৰ ০.৫ শতাংশ বিজুলী ক্ষেত্ৰৰ সংশোধনেৰে সম্বন্ধিত হ’ব। ইয়াৰ চৰ্তাৱলীৰ বিষয়ে ২০২১-২২তে অৱগত কৰোৱা হৈছে। নিজৰ ভাষণৰ ভাগ ‘এ’ক সমাপ্ত কৰি বিত্ত মন্ত্ৰীয়ে কয় যে চলিত বৰ্ষত সংশোধিত বিত্তীয় ঘাটি জিডিপিৰ আনুমানিক ৬.৯ শতাংশ, ইয়াৰ বিপৰীতে বাজেট অনুমানত ই ৬.৮ শতাংশ। ২০২২-২৩ত ৰাজকোষীয় ঘাটী জিডিপিৰ আনুমানিক ৬.৪ শতাংশ, যি ৰাজকোষীয় শক্তিৰ সেই পথৰ অনুৰূপো। যাৰ যোৱা বছৰ ঘোষণা কৰা হৈছিল যে ২০২৫-২৬লৈকে ৰাজকোষীয় ঘাটীক ৪.৫শতাংশৰ তলৰ স্তৰলৈ অনা হ’ব। ২০২২-২৩ৰ ৰাজকোষীয় ঘাটীৰ স্তৰ নিৰ্দ্ধাৰিত কৰাৰ সময়ত তেওঁলোকে দৃঢ়তা আৰু দীৰ্ঘস্থায়িত্বৰ বাবে সাৰ্বজনীন বিনিয়োগৰ মাধ্যমত প্ৰগতিৰ পোষণৰ আহ্বান কৰে।

কেন্দ্ৰীয় বাজেট ২০২২-২৩ৰ প্ৰস্তাৱসমূহৰ অভিপ্ৰায়: স্থিৰ আৰু পৰিচিত কৰ প্ৰণালী কৰ ব্যৱস্থাৰ আমাৰ ঘোষিত নীতিৰ ওপৰত কায়ম থাকি আৰু অধিক এনেকুৱা সংস্কাৰ সাধন কৰিব লাগিব যি এক নিৰ্ভৰযোগ্য কৰ ব্যৱস্থা স্থাপন কৰাৰ আমাৰ সংকল্প আগবঢ়াই নিব পাৰে। নিৰ্মলা সীতাৰমণে কৈছে যে এই কৰ প্ৰণালীক আৰু অধিক সৰল কৰা হ’ব, কৰদাতাসকলক অধিক ইচ্ছাকৃত অনুপালনৰ বাবে অনুপ্ৰাণিত কৰিব আৰু মোকৰ্দমা কম কৰিব।

প্ৰত্যক্ষ কৰৰ বিষয়ে এই বাজেটে কৰদাতাক ভুলৰ শুধৰণিৰ বাবে দুবছৰৰ ভিতৰত আপডেট কৰা আয়কৰ ৰিটাৰ্ন দাখিল কৰাৰ অনুমতি দিছে। ই দিব্যাংগজনৰ বাবেও কৰ সকাহ প্ৰদান কৰিছে। এই বাজেটে সহকাৰী সমিতিসমূহৰ বাবে বৈকল্পিক ন্যূনতম কৰ দৰ আৰু অধিভাৰতো কম কৰাৰ প্ৰস্তাৱ কৰিছে। ষ্টাৰ্ট-আপৰ বাবে উদগণি হিচাপে, পাত্ৰ ষ্টাৰ্ট-আপৰ আৰম্ভণিৰ সময়ক এক অতিৰিক্ত বছৰৰ বাবে বঢ়াই দিয়া হৈছে। বাজেটত কেন্দ্ৰীয় চৰকাৰৰ কৰ্মচাৰীৰ সৈতে ৰাজ্য চৰকাৰৰ কৰ্মচাৰীৰ মাজত সমতা অনাৰ উদ্দেশ্যে এনপিএছ খাতাত নিয়োগকৰ্তাৰ যোগদানত কৰৰ কৰ্তনৰ সীমা বৃদ্ধি কৰাৰো প্ৰস্তাৱ কৰা হৈছে।ভাৰ্চুৱেল সম্পদৰ প্ৰভেদৰ পৰা লাভ কৰা আয়ৰ ওপৰত ৩০ শতাংশ দৰত কৰ আদায় কৰা হ’ব। বাৰম্বাৰ আবেদনৰ পৰা বাচিবলৈ বাজেটত উন্নত মোকৰ্দমা প্ৰবন্ধনৰ প্ৰস্তাৱ কৰা হৈছে।

অপ্ৰত্যক্ষ কৰৰ সন্দৰ্ভত কেন্দ্ৰীয় বাজেট অনুসৰি বিশেষ অৰ্থনৈতিক ক্ষেত্ৰত সীমা শুল্ক প্ৰশাসনক সম্পূৰ্ণৰূপে তথ্য প্ৰযুক্তিৰে সক্ষম কৰি তোলা হ’ব। বাজেটত সীমা শুল্ক ৰেহাই আৰু উপকৰ সৰলীকৰণৰ সমীক্ষা উল্লেখ কৰা হৈছে আৰু ইয়াত ৩৫০তকৈ অধিক ৰেহাই প্ৰবিষ্টি লাহে লাহে আঁতৰোৱাৰ প্ৰস্তাৱ আছে। ষ্টিল ষ্ক্ৰেপৰ বাবে সীমাশুল্ক ৰেহাই বঢ়োৱা হ’ব। মিশ্ৰণ ৰহিত ইন্ধনে অতিৰিক্ত পৃথক উৎপাদন শুল্ক আকৰ্ষণ কৰিব। এই বাজেটে অতিৰিক্ত কৰ পৰিশোধত আপডেটেড ৰিটাৰ্ন ফাইল কৰিবলৈ কৰদাতাক এটা নতুন ব্যৱস্থাৰ অনুমতি দিছে। এই আপডেটেড ৰিটাৰ্ন সংগত নিৰ্দ্ধাৰণ বৰ্ষৰ শেষৰ পৰা দুবছৰৰ ভিতৰত দাখিল কৰিব পৰা যায়। ই স্বেচ্ছামূলক কৰ অনুপালনৰ দিশত এটা ইতিবাচক পদক্ষেপ।

সহকাৰী সমিতি আৰু কোম্পানীৰ মাজত সমতা আনিবলৈ এই বাজেটত সহকাৰী সমিতিসমূহৰ বাবে দৰ হ্ৰাস কৰি ১৫% কৰাৰ প্ৰস্তাৱ দিয়া হৈছে। বিত্ত মন্ত্ৰীয়ে এনেকুৱা সহকাৰী সমিতিৰ ওপৰত অধিভাৰৰ দৰো বৰ্তমানৰ ১২%ৰ পৰা হ্ৰাস কৰি ৭% কৰাৰ প্ৰস্তাৱ দিছে। যাৰ মুঠ আমদানি ১ কোটি টকাতকৈ অধিক আৰু ১০ কোটি টকালৈকে। বিত্ত মন্ত্ৰীয়ে কৈছে যে দিব্যাংগ ব্যক্তিৰ পিতৃ-মাতৃ বা অভিভাৱক এনেকুৱা ব্যক্তিৰ বাবে বীমা স্কিম ল’ব পাৰে। এই বাজেটত পিতৃ-মাতৃ/অভিভাৱকৰ জীৱনকালৰ সময়তো অৰ্থাৎ পিতৃ-মাতৃ/অভিভাৱকৰ ৬০ বছৰ বয়সত বছৰেকীয়া আৰু এককালীন ৰাশিৰ পৰিশোধৰ অনুমতি দিয়াৰ প্ৰস্তাৱ দিয়া হৈছে।

কেন্দ্ৰীয় চৰকাৰে ৰাষ্ট্ৰীয় পেন্সন প্ৰণালী (এনপিএছ) টিয়েৰ-1ত নিজৰ কৰ্মচাৰীৰ বেতনত ১৪%ৰ যোগদান কৰিছে। ইয়াক কৰ্মচাৰীৰ আয়ৰ গণনা কৰাত কৰ্তন হিচাপে স্বীকৃত কৰা হৈছে। বাজেটত কেন্দ্ৰীয় আৰু ৰাজ্য চৰকাৰ উভয়ৰে কৰ্মচাৰীৰ প্ৰতি সমান ব্যৱহাৰ কৰিবলৈ ৰাজ্য চৰকাৰৰ কৰ্মচাৰীৰ বাবেও এনপিএছ খাতাত নিয়োগকৰ্তাৰ যোগদানত কৰৰ কৰ্তনৰ সীমা ১০%ৰ পৰা বঢ়াই ১৪% কৰাৰ প্ৰস্তাৱ দিয়া হৈছে।

৩১-০৩-২০২২ৰ আগতে স্থাপিত পাত্ৰ ষ্টাৰ্ট-আপক নিগমনৰ পৰা ১০ বছৰৰ তিনিটা ক্ৰমিক বছৰৰ বাবে কৰ উদগণি দিয়া হৈছে। কোভিড মহামাৰীৰ প্ৰতি লক্ষ্য ৰাখি বাজেটত কৰ উদগণি উপলব্ধ কৰাবলৈ পাত্ৰ ষ্টাৰ্ট-আপৰ নিগমনৰ অৱধি আৰু এবছৰ অৰ্থাৎ ৩১-০৩-২০২৩লৈকে বঢ়োৱাৰ প্ৰস্তাৱ দিয়া হৈছে। ঘৰুৱা কোম্পানীৰ বাবে বৈশ্বিক ৰূপত প্ৰতিদ্বন্দ্বিতামূলক ব্যৱসায়ৰ পৰিবেশ অব্যাহত ৰাখিবলৈ চৰকাৰৰ দ্বাৰা নৱ নিগমিত ঘৰুৱা বিনিৰ্মাণ কোম্পানীৰ বাবে১৫% কৰৰ ৰেহাই কৰ ব্যৱস্থা প্ৰৱৰ্তন কৰা হৈছিল।

ভাৰ্চুৱেল ডিজিটেল পৰিসম্পত্তিত অন্তৰণত অসাধাৰণ বৃদ্ধি হৈছে। এই অন্তৰণৰ পৰিমাণ আৰু বাৰম্বাৰতাৰ বাবে এয়া আৱশ্যক হৈ পৰিছে যে ইয়াৰ বাবে কেইবাটাও বিশেষ কৰ ব্যৱস্থাৰ বলৱৎ কৰা হওক। ইয়াৰ অতিৰিক্ত, অন্তৰণ বিবৰণক নথিভুক্ত কৰিবলৈ ভাৰ্চুৱেল ডিজিটেল পৰিসম্পত্তিৰ হস্তান্তৰন সন্দৰ্ভত কৰা পৰিশোধত এক মৌদ্ৰিক সীমাতকৈ অধিক, এনেকুৱা প্ৰতিফলত এক শতাংশৰ দৰত টিডিএছ ল’বলৈও প্ৰস্তাৱ কৰা হৈছে।

ত্বৰিত মোকৰ্দমা প্ৰবন্ধনৰ নীতি আগবঢ়াই বাজেটত এই প্ৰস্তাৱ কৰা হৈছে যে যদি কোনো নিৰ্দ্ধাৰণৰ গোচৰত আইনৰ এক প্ৰশ্ন, কোনো গোচৰত অধিকাৰ সম্পৰ্কীয় উচ্চ ন্যায়ালয় বা উচ্চতম ন্যায়ালয়ৰ সমক্ষ দীঘলীয়া কানুনৰ প্ৰশ্নৰ সদৃশ হয় তেতিয়া বিভাগৰ দ্বাৰা এই নিৰ্দ্ধাৰণৰ সন্দৰ্ভত পৰৱৰ্তী আপীল দাখিল কৰা তেতিয়ালৈকে অস্থগিত কৰা হ’ব, যেতিয়ালৈকে তেনেকুৱা কানুনৰ প্ৰশ্নৰ ওপৰত অধিকাৰিতা প্ৰাপ্ত উচ্চ ন্যায়ালয় বা উচ্চতম ন্যায়ালয়ৰ দ্বাৰা নিৰ্ণয় লোৱা নহয়।

বাজেট অনুসৰি বিশেষ অৰ্থনৈতিক ক্ষেত্ৰৰ সীমাশুল্ক প্ৰশাসনত সংশোধনক ৰূপায়ণ কৰা হ’ব আৰু ই সম্পূৰ্ণৰূপে তথ্য প্ৰযুক্তিৰে যুক্ত হ’ব তথা আশংকা আধাৰিত অনুসন্ধান সহ অত্যধিক সুবিধাৰ ওপৰত মনোযোগ দিয়াৰ লগতে এই সীমাশুল্ক ৰাষ্ট্ৰীয় পৰ্টেলত সঞ্চালিত হ’ব। এই সংশোধন ৩০ ছেপ্টেম্বৰ, ২০২২ৰ পৰা ৰূপায়িত হ’ব।

বাজেটত ৩৫০তকৈ অধিক ৰেহাই প্ৰবিষ্টি লাহে লাহে আঁতৰোৱাৰ প্ৰস্তাৱ আছে। ইয়াত কটিপয় কৃষি উৎপাদন, ৰসায়ন, বস্ত্ৰ, মেডিকেল উপকৰণ আৰু ড্ৰাগছ তথা ঔষধ অন্তৰ্ভুক্ত আছে যাৰ বাবে পৰ্যাপ্ত ঘৰুৱা ক্ষমতা মজুত আছে। আগলৈ, এক সৰলীকৰণৰ উপায় হিচাপে কেইবাটাও ৰেহাই দৰ, ইয়াক বিভিন্ন অধিসূচনাৰ মাধ্যমত বিহিত কৰাৰ সলনি সীমাশুল্ক প্ৰশুল্ক অনুসূচিতেই সন্নিৱিষ্ট কৰা হৈছে।

বাজেটত কিছুমান অত্যন্ত গুৰুত্বপূৰ্ণ ৰসায়ন, যেনে মিথেনল, এছিটিক এচিড আৰু পেট্ৰলিয়াম ৰিফাইনিঙৰ বাবে হেভী ফীড ষ্টকৰ ওপৰত সীমাশুল্ক কম কৰা হৈছে, ইয়াৰ বিপৰীতে ছডিয়াম ছাইনাইডৰ ওপৰত শুল্ক বঢ়োৱা হৈছে কিয়নো ইয়াৰ বাবে পৰ্যাপ্ত ঘৰুৱা ক্ষমতা মজুত আছে।

বাজেটত কোৱা হৈছে যে ইন্ধনৰ সংমিশ্ৰণ চৰকাৰৰ প্ৰাথমিকতা। ইন্ধনৰ সংমিশ্ৰণৰ বাবে প্ৰয়াসক উৎসাহিত কৰিবৰ বাবে অসংমিশ্ৰিত ইন্ধনৰ ওপৰত ১ অক্টোবৰ, ২০২২ৰ পৰা প্ৰতি লিটাৰত দুটকা অতিৰিক্ত বিভেদক উৎপাদন শুল্ক লাগিব।