শিৱসাগৰ জিলাৰ শিমলুগুৰিত শোকাৱহ ঘটনা। ৰে’লৰ চেপাত থিতাতে এজনৰ মৃত্যু ঘটে। শিমলুগুৰি ৰে’ল জংচনত নামনিমুৱা চণ্ডীগড় এক্সপ্ৰেছৰ চকাত সোমাই প্ৰাণ হেৰুৱাই লোকজনে। মৃত লোকজন শিৱসাগৰৰ নিবাসী সুশীল কুমাৰ মাহাতো। লোকজনে ককায়েকৰ পৰিয়ালটোক শিমলুগুৰি ৰে’লৱে জংচনত নামনিমুৱা চণ্ডীগড় এক্সপ্ৰেছত উঠাই ৰে’লখন চলিবলৈ লোৱাৰ সময়তে জঁপিয়াই নামিবলৈ লওঁতেই চকাত সোমাই মৃত্যুক আকোৱালি লয় ৷
ইতিমধ্যে ৰে’লৱে আৰক্ষীয়ে মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰিছে৷
