উত্তৰ প্ৰদেশৰ প্ৰয়াগৰাজত চলি আছে মহাকুম্ভ মেলা। মহাকুম্ভ মেলালৈ আগমন ঘটিছে দেশ-বিদেশৰ ভক্তৰ লগতে সাধু-সন্তৰ। অসমৰ পৰাও মহাকুম্ভ মেলালৈ গৈছে ভক্ত। কিন্তু তাৰ মাজতে ঘটিছে অঘটন। বুধবাৰে মহাকুম্ভ মেলাত পদপিষ্ট হৈ মৃত্যুক সাৱটি লৈছিল হাইলাকান্দিৰ এজন লোকে। এইবাৰ মহাকুম্ভ মেলাত নিৰুদ্দেশ হৈছে তিনিচুকীয়াৰ ২গৰাকী মহিলা।
মহাকুম্ভ মেলালৈ গৈ নিৰুদ্দেশ তিনিচুকীয়াৰ দুগৰাকী মহিলা। মঙলবাৰৰ পৰা সন্ধানহীন পৰ্বতীয়াৰ ৬৫ বছৰীয়া জুস্না দেৱ নামৰ মহিলাগৰাকী। মহিলাগৰাকীৰ নিৰুদ্দেশত হাহাকাৰ অৱস্থাৰ সৃষ্টি হৈছে পৰিয়ালৰ লোকৰ মাজত।
আনফালে তিনিচুকীয়াৰে আন এগৰাকী মহিলা। নিৰুদ্দিষ্ট মহিলাগৰাকী বৰহাপজানৰ লীলা দেৱী। পৰিয়ালৰ সৈতে মহাকুম্ভত অমৃত স্নান কৰিবলৈ গৈছিল মহিলাগৰাকী। কিন্তু অমৃত স্নান কৰিবলৈ যাওঁতেই নিৰুদ্দেশ হয় মহিলাগৰাকী। কোনো লোকে মহিলাগৰাকীৰ সন্ধান লাভ কৰিলে 8472900833 নাইবা 9435562222নম্বৰত যোগাযোগ কৰিবলৈ আহ্বান জনাইছে পৰিয়ালৰ লোকে।
