ধুমুহাত মূৰৰ ওপৰত ভাঙি পৰিল গছৰ ডাল, হাস্পতাললৈ লৈ যোৱাৰ পূৰ্বে মৃত্যু মহিলাৰ
পুনৰ প্ৰচণ্ড ধুমুহাই প্ৰাণ ল’লে এগৰাকী মহিলাৰ। শুকুৰবাৰে সন্ধিয়া কৰ্মস্থলীৰ পৰা আহি থকা অৱস্থাত ডফলাটিং তিনি আলিত এজোপা গছৰ ডাল ভাগি মহিলাগৰাকীৰ মূৰত পৰাত গুৰুতৰভাবে আহত হয় অনামিকা ভূঞা নামৰ মহিলাগৰাকী।
স্থানীয় ৰাইজৰ তৎপৰতাত ততাতৈয়াকৈ ১০৮এম্বুলেঞ্চ সেৱাৰ যোগেদি মহিলাগৰাকীক চিকিৎসালয়লৈ নিয়া হয় যদিও গৈ থকা অৱস্থাতে মৃত্যু ঘটে মহিলা গৰাকীৰ। অনামিকা ভূঞা নামৰ মহিলাগৰাকীৰ ঘৰ ডফলাটিং চাহ বাগিচাৰ তিনি নম্বৰ লাইনত।