গুৱাহাটী, ২৪ জুন, NKTV: ফুটবল তাৰকা তথা পৰ্টুগাল দলৰ কেপ্টেইন ক্ৰিষ্টিয়ানো ৰণাল্ডোৰ অভিলেখ সৃষ্টি। মেনছ ইন্টাৰনেছনেল ফুটবলৰ আটাইতকৈ বেছি সংখ্যক গল কৰা আলী দায়েইৰ সমানেই গল কৰি অভিলেখ গঢ়িলে ক্ৰিষ্টিয়ানো ৰণাল্ডোয়ে। ৩৬ বছৰীয়া ফুটবল তাৰকাজনে ১০৯ গলেৰে অভিলেখ গঢ়িবলৈ সক্ষম হৈছে। ইউৰো ২০২০ৰ গ্ৰুপ-এফ ৰ শেষৰ খন খেলত তাৰকাগৰাকীয়ে শক্তিশালী ফ্ৰান্স দলৰ বিৰুদ্ধে দুটাকৈ গল দি সৃষ্টি কৰিলে এই অভিলেখ।
ইয়াৰ পূৰ্বে ইৰানৰ ফুটবলাৰ আলী দায়েইয়ে ১৪৯ খনকৈ আন্তৰ্জাতিক খেলত ১০৯ গল কৰি অভিলেখ স্থাপন কৰিছিল। পৰ্টুগালৰ ফুটবল তাৰকা ক্ৰিষ্টিয়ানো ৰণাল্ডোয়ে ইউৰো ২০২০ত ১০৯ গলেৰে এই অভিলেখ স্থাপন কৰিলে। জাৰ্মানী, ফ্ৰান্স আৰু পৰ্টুগাল ইতিমধ্যে শেষৰ ১৬ টা দলৰ মাজলৈ নিৰ্বাচিত হৈছে।