এটা জীৱনৰ মূল্য কিমান? বৰ্তমানৰ সমাজত যেন ১০০টকাও নহয়! মাত্ৰ ১০০টকাৰ বাবেই মানুহৰ জীৱন ল’বলৈও ভয় নকৰে একাংশই। সোমবাৰে সংঘটিত হোৱা ভয়ংকৰ ঘটনাই জোকাৰি গ’ল মাজুলীৰ কমলাবাৰী ফাৰ্ম তিনিআলি। ১০০ টকাৰ বাবেই এজন লোকক হত্যাৰ চেষ্টা। বুবু দাস নামৰ লোকজনক কোৰেৰে চবিয়াই হত্যাৰ চেষ্টা প্ৰমোদ বৰুৱা নামৰ এজনৰ। ঘটনাটোত গুৰুতৰভাৱে আহত বুবু দাসক মুমূৰ্ষু অৱস্থাত হাস্পতালত ভৰ্তি। অৱস্থা সংকটজনক হোৱাত বুবু দাসক যোৰহাট চিকিৎসা মহাবিদ্যালয়লৈ প্ৰেৰণ কৰা হয়। ঘটনাৰ পাছতে পলায়ন কৰা প্ৰমোদ বৰুৱাক আটক কৰে মাজুলী আৰক্ষীয়ে।
