চাঞ্চল্যকৰ ঘটনাই জোকাৰিছে ওদালগুৰি। ঘৰৰ কোনো আচবাব নাইবা গাড়ী-মটৰ নহয়, কবৰ খান্দি দুৰ্বৃত্তই লৈ গ’ল নৰকংকাল। ভূটানৰ সমীপৱৰ্তী ভৈৰৱকুণ্ডৰ আংৰাজুলিৰ গাঁৱত সংঘটিত হৈছে এই ঘটনা।কবৰ খান্দি দুৰ্বৃত্তই লৈ যায় ৩টাকৈ নৰকংকাল। নৰকংকালকেইটা আছিল দুজন পুৰুষ আৰু এগৰাকী মহিলাৰ। কবৰ খান্দি নৰকংকালকেইটা কোনে লৈ গ’ল সেয়া এতিয়াও ৰহস্যৰ আৱৰ্তত। ইতিমধ্যে ঘটনাস্থলীত উপস্থিত হৈ আৰক্ষীয়ে আৰম্ভ কৰিছে তদন্ত। ঘটনাস্থলীত উপস্থিত হৈছে ভূটান ৰয়েল আৰ্মীও। একাংশৰ সন্দেহ এয়া কোনো তান্ত্ৰিকৰ কাণ্ড! আন একাংশৰ মতে ভূটানৰ লামাই লৈ গৈছে নৰকংকালকেইটা।
