মেঘালয়ত সুৰক্ষিত নহয় নেকি অসমৰ যুৱক-যুৱতী? এটা ঘটনাৰ পিছতেই পুনৰ উত্থাপন হৈছে সেই প্ৰশ্ন। অসমৰ এজন লোকৰ সৈতে পুনৰ মেঘালয়ত ভয়ংকৰ ঘটনা। ৬-৭ জনীয়া যুৱকৰ দলে আগচি ধৰি আক্ৰমণ কৰিলে অসমৰ এজন লোকক।
মেঘালয়ৰ নংপুত অসমৰ এজন লোকৰ সৈতে ভয়ংকৰ ঘটনা। চাৰিচকীয়া বাহনেৰে অভাৰটোক কৰি বাট আগচি ৬-৭ জনীয়া যুৱকৰ দলে নিৰ্মমভাৱে প্ৰহাৰ কৰিলে নলবাৰীৰ এজন লোকক। আক্ৰমণৰ বলি হোৱা লোকজন নলবাৰীৰ ঘগ্ৰাপাৰৰ গংগা ডেকা। মেঘালয়ৰ পৰা গুৱাহাটীলৈ উভতাৰ পথতেই লোকজনৰ আক্ৰমণ দুৰ্বৃত্তৰ দলটোৰ। ঘটনাৰ পিছতে লোকজনে বিৱৰি ক’লে আক্ৰমণৰ কথা। সমান্তৰালকৈ অসম চৰকাৰক ঘটনা সন্দৰ্ভত ব্যৱস্থা গ্ৰহণৰ বাবেও আহ্বান জনালে লোকজনে।
