ধৰ্ষণ কৰি হত্যা কৰা হৈছিল কলিয়াবৰৰ কণমাণি কিশোৰীক। ১৪ বছৰীয়া কিশোৰ ভাতৃৰ কামনাৰ বলি হৈছিল ৮ বছৰীয়া ভগ্নী। ধৰ্ষণৰ পাছতে হত্যা কৰি গাঁত খান্দি পুতি ৰখা হৈছিল মৃতদেহ। অৱশেষত ৰহস্য ভেদ হ’ল কলিয়াবৰৰ বৰঘূলিৰ কিশোৰী হত্যাৰ সেই শিহৰণকাৰী ঘটনাৰ। ক’বলৈ আৰু শুনিবলৈ লাজ লগা এই জঘন্য ঘটনাই জোকাৰি গৈছে সমগ্ৰ কলিয়াবৰ। ৮ ছেপ্টেম্বৰত বৰদেউতাকৰ পুত্ৰই কণমানি কিশোৰীগৰাকীক বলাৎকাৰ কৰি হত্যা কৰি গাঁত খান্দি পুতি থৈছিল। পৰিয়াল তথা স্থানীয় লোকে সন্ধানহীন হোৱা বুলি বিচাৰ–খোচাৰ কৰাত বৰদেউতাকৰ ঘৰৰ কাষতেই উদ্ধাৰ হৈছিল মৃতদেহ। ঘটনাস্থলীত উলুৱনি আৰক্ষী উপস্থিত হয় অনুসন্ধান কৰাত ওলাই পৰে উৰহী গছৰ ওৰ। ১৪ বছৰীয়া কিশোৰৰ বিস্ফোৰক স্বীকাৰোক্তিৰ ভিত্তিত PCOSO আইনৰ ধাৰাত আৰক্ষীয়ে ৰুজু কৰে গোচৰ। গ্ৰেপ্তাৰ কৰে ১৪ বছৰীয়া কিশোৰ ধৰ্ষণকাৰীক। পিতৃ ওৱাজ উদ্দিন, মাতৃ ফৰিদা খাতুন, আইতাক খুছিমন নেচাকো গ্ৰেপ্তাৰ কৰে আৰক্ষীয়ে। ৪ অভিযুক্তৰ গ্ৰেপ্তাৰৰ পাছতে কলিয়াবৰবাসীৰ দাবী– উচিত শাস্তি বিহিব লাগে হত্যাকাৰীক। ইপিনে ঘটনা সন্দৰ্ভত বৰ্তমানো তদন্ত অব্যাহত ৰাখিছে চুলুং আৰক্ষীয়ে।
