বাইকত অহা ২ যুৱকে অপহৰণ কৰিলে মহিলাক

অপৰাধ আৰু অপৰাধীৰ নগৰীলৈহে যেন পৰ্যৱসিত হৈছে গুৱাহাটী মহানগৰী। গুৱাহাটীৰ পল্টনবজাৰত পুনৰ অপহৰণকাণ্ড। গৰ্ভৱতী মহিলাক অপহৰণ কৰিলে দুৰ্বৃত্তই। বাইকত অহা ২ যুৱকে অপহৰণ কৰে মহিলাগৰাকীক। পল্টনবজাৰৰ সমীপত থকা অটো ষ্টেণ্ডত সংঘটিত হৈছে এই ঘটনা। আলিপুৰ দুৱাৰৰ পৰা ডিমাপুৰৰ নিজ বাসগৃহলৈ আহি আছিল পতি-পত্নী। নিশা ট্ৰেইনৰ পৰা নামি ভাত খাবলৈ আহোতে অপহৰণ কৰে মহিলাগৰাকীক। পত্নীক অটো ষ্টেণ্ডৰ কাষত ৰাখি স্বামীয়ে ষ্টেচনৰ পৰা আনিবলৈ গৈছিল বেগ। সেইসময়তে বাইকত অহা ২ যুৱকে উঠাই লৈ যায় মহিলাগৰাকীক। ঘটনা সন্দৰ্ভত পল্টনবজাৰ থানাত গোচৰ ৰুজু ভুক্তভোগী স্বামীৰ। বৰ্তমানলৈকে আৰক্ষীয়ে কোনো ব্যৱস্থা নোলোৱাৰ অভিযোগ। CCTVৰ ফুটেজ সংগ্ৰহ নকৰাৰ অভিযোগ আৰক্ষীৰ বিৰুদ্ধে।