বাটে-পথে পিটপিটাই ফুৰা বাবাক দেখিলেই সাৱধান হওক। ভণ্ড বাবাই মুহূৰ্ততে সৰ্বস্বান্ত কৰিব পাৰে আপোনাক। এইবাৰ দুই ভণ্ড বাবাৰ ভয়ংকৰ কাণ্ড। ঘৰত কোনো নথকাৰ সুযোগ লৈ মহিলাৰ পৰা লুটি নিলে ৪ লাখ টকা সোণৰ আ-অলংকাৰ।
ঘটনা ডিব্ৰুগডৰ। ডিব্ৰুগড়ৰ ডিকম নাহৰতলী গ্ৰান্ট গাঁৱত সংঘটিত হৈছে চাঞ্চল্যকৰ ঘটনা। দুই ভণ্ড বাবাই লুটিলে ৪ লাখ টকা সোণৰ আ-অলংকাৰ। প্ৰদীপ বাল্মিকী নামৰ লোকজনৰ ঘৰত এই ঘটনা। ঘৰত কোনো নথকাৰ সুযোগ লৈ প্ৰদীপ বাল্মিকীৰ পত্নীৰ পৰা লুটিলে আ-অলংকাৰ। তাৰপাছতেই পলায়ন কৰে দুই ভণ্ড বাবাই। ইতিমধ্যে চিচি টিভিত ধৰা পৰিছে এজন ভণ্ড বাবাৰ চেহেৰা। দুয়োৰে বিৰুদ্ধে ডিকম আৰক্ষী চকীত এজাহাৰ দাখিল ভুক্তভোগীৰ। কেমেৰাৰ আগত প্ৰদীপ বাল্মিকীৰ পত্নীয়ে বিৱৰি ক’লে সমগ্ৰ ঘটনাৰ বিষয়ে।
