ধিঙত ইমান ধৰ্ষণকাৰী ক’ৰপৰা আহিল? শেহতীয়া ঘটনাটো মনত আছেনে? এইবাৰ ধিঙত আকৌ ধৰ্ষণৰ ঘটনা সংঘটিত হ’ল। দুই নৰপিশাচৰ কামনাৰ বলি আন এগৰাকী কিশোৰী। আইতাকক নদীৰ ঘাটলৈ আগুৱাই দি ঘৰলৈ উভতি গৈ আছিল এগৰাকী কিশোৰী। লগত আছিল কিশোৰীগৰাকীৰ ভাতৃ। তেনেতে অঘটন। কিশোৰীগৰাকীক এখন মটৰচাইকেলত বলপূৰ্বক উঠাই নিয়ে২ দুৰ্বৃত্তই। মুখত সোপা দি ধিঙৰ লাঠিয়ামাৰী চৰৰ এডৰা জাৰনিৰ মাজত কিশোৰীক ধৰ্ষণ কৰে ২ দুৰ্বৃত্তই। ছোৱালীজনীয়ে চিঞৰ বাখৰ কৰিছিল, অসহায় হৈ চিঞৰিছিল ভাতৃয়েও। কম জনবসতিপূৰ্ণ ঠাইত সেই মাত শুনা নাছিল কোনোৱে। পশু হেন দুৰ্বৃত্তই পূৰণ কৰে কামনাৰ চাৰিতাৰ্থ। অৱশেষত ৰাইজ অহাৰ উমান পাই দুৰ্বৃত্ত পলাই যায়।
ইয়াৰ পিছতে ভুক্তভোগী কিশোৰীক নগাঁও চিকিৎসালয়ত ভর্তি কৰোৱা হয়। ঘটনা সংঘটিত হৈছিল যোৱা বুধবাৰেই। কথাটো লুকাইহে আছিল। অৱশেষত ভুক্তভোগীৰ আত্মীয়ই ধিং থানাত দাখিল কৰিলে এজাহাৰ। এজাহাৰ দাখিলৰ পিছতেই
দুই ধৰ্ষণকাৰীক বিচাৰি আৰক্ষীয়ে আৰম্ভ কৰিছে অভিযান। পলাতক দুই অভিযুক্ত ফুজাইল অহমেদ আৰু ইছৰাফিল হুছেইন। এনে কি সজাগতাৰ অভাৱত ৰাজ্যৰ ভিন্ন প্ৰান্তত সংঘটিত হবলৈ ধৰিছে ইটোৰ পিছত সিটো ধৰ্ষণ কাণ্ড? কথাবোৰ জুকিওৱাৰ সময় হৈছে। তাৰ মাজতে এই উদ্বেগজনক ঘটনাই আকৌ প্ৰশ্নবোধকৰ সৃষ্টি কৰিছে। ধিঙত ইমান ধৰ্ষণকাৰী ক’ৰপৰা আহিল?
