দিনক দিনে যেন অপৰাধীৰ ৰম্যভূমিলৈ পৰ্যৱসিত হৈছে মহানগৰী গুৱাহাটী। ইটোৰ পিছত সিটোকৈ অপৰাধে দৈনিক সংবাদ শিৰোনাম দখল কৰাৰ সময়তে এইবাৰ সংঘটিত হৈছে আন এক অপৰাধ। আৰক্ষীয়ে গিজগিজাই থকা গুৱাহাটীত পুনৰ দিন ডকাইতি। ভঙাগড়ত সংঘটিত হৈছে এই ডকাইতি কাণ্ড। বাইকত অহা দুৰ্বৃত্তই এজনৰ পৰা লুটি নিলে ৫ লাখ টকা। উল্লেখ্য যে বেংকৰ পৰা ধন উলিয়াই আনিছিল লোকজনে। এই ঘটনাক লৈ সৃষ্টি হৈছে চাঞ্চল্যৰ। প্ৰশ্ন উঠিছে আৰক্ষীৰ ভূমিকাৰ ওপৰতো।
