ভয়ংকৰ দুৰ্ঘটনা, তীব্ৰবেগী বাছৰ খুন্দাত নিহত যুৱক

ৰাজ্যত পুনৰ ভয়ংকৰ পথ দুৰ্ঘটনা। বৰপেটাৰ হাউলীত তীব্ৰেবেগী বাছৰ খুন্দাত থিতাতে নিহত এজন যুৱক। নিহত যুৱকজন হাউলী গাঁৱৰ অভিজিৎ নাথ। বন্ধুৰ সৈতে বাইকেৰে গৈ থকা অৱস্থাতে বাইকসহ দুয়োজন যুৱককে মহতিয়াই নিয়ে বাছখনে। দুৰ্ঘটনাত গুৰুতৰভাৱে আহত হয় আন এজন যুৱক। ঘটনাৰ পিছতে যুৱকজনক ততাতৈয়াকৈ ভৰ্তি কৰোৱা হয় হাস্পতালত। আনফালে দুৰ্ঘটনা সংঘটিত কৰিয়েই পলায়ন কৰে বাছখনে। ঘটনাৰ পিছতে চেপা উত্তেজনাই বিৰাজ কৰিছে অঞ্চলটোত।