ক’ৰ’না ভাইৰাছৰ সংক্ৰমণ অব্যাহত থকাৰ মাজতে বিশ্বত এইবাৰ নতুনকৈ মাক্সিং পক্সৰ সংক্ৰমণ উদ্বেগজনকভাৱে বৃদ্ধি পাবলৈ ধৰিছে। বিশ্ব স্বাস্থ্য সংস্থাৰ মুৰব্বী ড০ টেড্ৰ’ছ আধানোম গেব্ৰেয়াছুছে বুধবাৰে বিশ্বৰ ২৯ খন দেশত ১০০০ কৈ অধিক মাংকি পক্সৰ সংক্ৰমণ ধৰা পৰিছে বুলি উল্লেখ কৰিছে। অৱশ্যে, মাংকি পক্সৰ সংক্ৰমণ ধৰা পৰিলেও এইকেইখন দেশত এতিয়ালৈ কোনো লোক মাংকি পক্সৰ সংক্ৰমণৰ ফলত মৃত্যু মুখত পৰা নায়। আমেৰিকা যুক্তৰাষ্ট্ৰৰ ৰোগ প্ৰতিৰোধী কেন্দ্ৰই ৮ জুন পৰ্যন্ত মাংকি পক্সৰ সংক্ৰমণ ধৰা পৰা দেশ সমূহৰ তালিকা প্ৰস্তুত কৰি উলিয়াইছে। এই তালিকা অনুসৰি য়ুনাইটেড কিংদমত সৰ্বাধিক ৩২১ গৰাকী লোকৰ শৰীৰত মাংকি পক্সৰ সংক্ৰমণ ধৰা পৰিছে। ইউনাইটেড কিংদমৰ লগতে স্পেইনত ১৯৮ গৰাকী, পৰ্টুগালত ১৯১ গৰাকী, জাৰ্মানীত ১১৩ গৰাকী, কানাডাত ১০০ গৰাকী, ফ্ৰান্সত ৬৬ গৰাকী লোকৰ শৰীৰত মাংকি পক্স ভাইৰাছৰ উপস্থিতি ধৰা পৰিছে।ইটালী, আমেৰিকা যুক্তৰাষ্ট্ৰ, ইটালী, লাটভিয়া, মাল্টা, নৰোৱে আদি দেশতো মাংকি পক্সৰ সংক্ৰমণ ধৰা পৰিছে।
