পাকিস্তানৰ বিৰুদ্ধে বিজয়ৰ ৫০ বছৰ সম্পূৰ্ণ কৰিলে বাংলাদেশে। এই উপলক্ষে ৰাজধানী ঢাকাৰ লগতে সমগ্ৰ দেশজুৰি বৃহস্পতিবাৰে বিজয় দিৱস উদযাপন কৰা হয়। বাংলাদেশৰ এই বিজয় দিৱস আৰু মুজিব বৰ্ষ উদযাপনৰ কাৰ্যসূচীত অংশগ্ৰহণ কৰে ভাৰতৰ ৰাষ্ট্ৰপতি ৰামনাথ কোবিন্দে।
বাংলাদেশৰ প্ৰধানমন্ত্ৰী শ্বেখ হাছিনাৰ নেতৃত্বত এই বিজয় উৎসৱৰ অনুষ্ঠানত অংশগ্ৰহণ কৰে ভাৰত, ভূটান, আমেৰিকা, ৰাছিয়া আৰু মেক্সিকোৰ সেনা জোৱানসকলে।
ঢাকাত উলিওৱা বিশেষ সামৰিক পেৰেডত অংশগ্ৰহণ কৰে বিভিন্ন দেশৰ জোৱানসকলে। বাংলাদেশৰ জাতীয় সংসদত বিজয় দিৱস উপলক্ষে অনুষ্ঠিত এক বিশেষ অনুষ্ঠানত ভাষণ দিয়ে ৰাষ্ট্ৰপতি ৰামনাথ কোবিন্দে।
