বৃহৎ পৰিমাণৰ চোৰাং চেগুন কাঠসহ ট্ৰাক জব্দ। পশ্চিম বংগ সীমান্তৰ শ্ৰীৰামপুৰ হৈ বহিঃৰাজ্যলৈ সৰবৰাহ হৈছে মূল্যবান চোৰাং চেগুন কাঠ। শিমলটাপু আৰক্ষী চকীৰ ভাৰপ্ৰাপ্ত আৰক্ষী বিষয়া সঞ্জয় ৰায়ৰ নেতৃত্বত অসম আৰক্ষী আৰু CRPFৰ অভিযানত গোসাঁইগাঁৱৰ শ্ৰীৰামপুৰত এখন ট্ৰাক জব্দ। ৩১ নম্বৰ(গ) ৰাষ্ট্ৰীয় ঘাইপথেৰে গুৱাহাটীৰ পৰা কলিকতালৈ গৈ থকা ১৪ চকীয়া ট্ৰাকখন আটক কৰি তালাচী কৰাৰ পিছত ৰহস্য ভেদ হয়।
বাঁহ কঢ়িওৱা BR 06GC – 5890 নম্বৰৰ ট্ৰাকৰ ভিতৰত চোৰাংকৈ অনা বৃহৎ পৰিমাণৰ চেগুন কাঠ কঢ়িয়াই নিছিল। ট্ৰাকত অনা বাঁহৰ ভিতৰত আছিল ৪০ লাখ টকাৰ চেগুন কাঠৰ বাটাম।
