প্ৰধানমন্ত্ৰী নৰেন্দ্ৰ মোদীৰ ৰাছিয়া ভ্ৰমণ বাতিল। পেহেলগামৰ ঘটনাক লৈ সৃষ্ট পৰিস্থিতিৰ বাবে এই সিদ্ধান্ত। অহা ৯ মে’ত সম্পূৰ্ণ হ’ব দ্বিতীয় বিশ্বযুদ্ধত মিত্ৰশক্তিৰ বিজয়ৰ ৮০ বছৰ। মস্কোৱে ৯ মে’ত অনুষ্ঠিত কৰিব বিজয় দিৱস। এই অনুষ্ঠানত যোগ দিয়াৰ কথা আছিল প্ৰধানমন্ত্ৰী মোদীৰ। পেহেলগামৰ ঘটনাৰ পিছতে সম্পৰ্কৰ অৱনতি ভাৰত-পাকিস্তানৰ। উপমহাদেশত আৰম্ভ হৈছে পুনৰ এক যুদ্ধৰ উকমুকনি। এনে পৰিস্থিতিত ৰাছিয়া ভ্ৰমণ বাতিল কৰে প্ৰধানমন্ত্ৰী মোদীয়ে।
