জাপানৰ এক্সপ্ৰেছ ৱে’ত দুৰ্ঘটনাত পতিত ৫০খনকৈ বাহন। দুৰ্ঘটনাত ২জন লোক নিহত হোৱাৰ লগতে আহত ২৬জনৰো অধিক। ৰাজপথতে ভস্মীভূত হয় ট্ৰাক, বাছকে ধৰি কেইবাখনো যান-বাহন। প্ৰৱল তুষাৰপাত আৰু কুঁৱলীৰ বাবে সংঘটিত হয় এই ঘটনা। ৰাজধানী টকিঅ’ৰ পৰা ১৬০কিঃমিঃ নিলগৰ এক্সপ্ৰেছ ৱে’ত এই ঘটনা। প্ৰথমাৱস্থাত বৰফৰ বাবে পিছলি গৈ এখন ট্ৰাকে খুন্দা মাৰে আন এখনত। পিছে পিছে আহি থকা কমেও ৫০খন গাড়ীয়ে খুন্দা মাৰে দুয়োখন ট্ৰাকত। তাৰ পিছতেই জ্বলি উঠে কেইবাখনো বাহন। ঘটনাৰ পিছতেই হাহাকাৰ লাগে জাপানৰ সেই অঞ্চলটোত। আৰক্ষী উপস্থিত হৈ আহতক ভৰ্তি কৰায় হাস্পতালত।
