এমাহ পূৰ্বে জামিন লাভ কৰা ইমৰান হুছেইনক পুনৰ গ্ৰেপ্তাৰ। নগাঁও আৰক্ষীয়ে পুনৰ গ্ৰেপ্তাৰ কৰিলে ইমৰান হুছেইন ওৰফে ইৰানক। হয়বৰগাঁও আৰক্ষীৰ ভাৰপ্ৰাপ্ত বিষয়া তৰংগ পাটোৱাৰীৰ নেতৃত্বত যোৱা এটা দলে গ্ৰেপ্তাৰ কৰে ইৰানক। নগাঁও সদৰ আৰক্ষী থানাত ৰুজু হৈ থকা ৩২৫৫/২১ নম্বৰ গোচৰত গ্ৰেপ্তাৰ কৰা হৈছে ইৰানক। এমাহ পূৰ্বে জামিন লাভ কৰা ইৰাণৰ বিৰুদ্ধে পুনৰ ৰুজু হৈছিল সম্পত্তি দখলৰ গোচৰ। নগাঁৱত আনন্দ মিশ্ৰ আৰক্ষী অধীক্ষক হৈ থকাৰ সময়ত প্ৰথমবাৰ গ্ৰেপ্তাৰ কৰিছিল ইৰানক। বহু লোকক সুদত ধন দি সৰ্বস্বান্ত কৰাৰ অভিযোগত পূৰ্বে গ্ৰেপ্তাৰ হৈছিল। বহু মহিলাক টকা ধাৰলৈ দি আপত্তিজনক ফটো উঠোৱাৰো অভিযোগ। ধাৰ পৰিশোধ নকৰালৈকে ব্লেকমেইল কৰাৰ অভিযোগ ইৰানৰ বিৰুদ্ধে।
