এক্সপ্ৰেছৱে’ত ঘণ্টাত ১২০ কি:মি: বেগত গাড়ী চলালেও নিবিহে জৰিমনা! নীতিন গাডকাৰীৰ বিশেষ নিৰ্দেশ

দেশৰ এক্সপ্ৰেছৱে’সমূহত যান-বাহনৰ গতিবেগ সম্পৰ্কীয় জৰিমনাৰ ক্ষেত্ৰত বিশেষ নিৰ্দেশ দিছে কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে। ঘণ্টাত ১২০ কিলোমিটাৰ বেগত গাড়ী চলোৱাৰ বাবে যাতে চালকসকললৈ যান-বাহনৰ জৰিমনাৰ জাননী প্ৰেৰণ কৰা নহয়, তাৰ বাবে বিষয়াসকলক নিৰ্দেশ দিয়া বুলি তেওঁ প্ৰকাশ কৰিছে।

শেহতীয়াকৈ কনফেডাৰেচন অৱ ইণ্ডিয়ান ইণ্ডাষ্ট্ৰী (CII)ৰ এক অনুষ্ঠানত অংশগ্ৰহণ কৰি মন্ত্ৰীগৰাকীয়ে কয় যে ঘণ্টাত ১২০ কিলোমিটাৰ বেগ অতিক্ৰম কৰাৰ ক্ষেত্ৰতো ২০ শতাংশলৈকে অতিৰিক্ত গতিবেগৰ বাবে জৰিমনা আৰোপ নকৰিবলৈ তেওঁ বিষয়াসকলক নিৰ্দেশ দিছে। অৱশ্যে, ইয়াতকৈ অধিক বেগত গাড়ী চলালে জৰিমনা আৰোপ কৰা হ’ব বুলি তেওঁ উল্লেখ কৰে।

ইফালে, দেশৰ ঘাইপথসমূহত যান-বাহনৰ চলাচল অধিক সুশৃংখল আৰু নিৰাপদ কৰি তুলিবলৈ কৃত্ৰিম বুদ্ধিমত্তা (AI) আধাৰিত উন্নত যান-বাহন ব্যৱস্থাপনা প্ৰণালী (ATMS) প্ৰৱৰ্তনৰ ওপৰতো গুৰুত্ব আৰোপ কৰিছে গাডকাৰীয়ে। এই প্ৰযুক্তিৰ জৰিয়তে যান-বাহনৰ গতিবিধি নিৰীক্ষণ কৰাৰ লগতে লেনৰ নিয়ম উলংঘা কৰা বাহন চিনাক্ত কৰাত সহায় হ’ব বুলি আশা কৰা হৈছে।

মন কৰিবলগীয়া যে, এই ঘোষণাৰ অৰ্থ এইটো নহয় যে সকলো পথতে নিৰ্বিচাৰে ঘণ্টাত ১২০ কিলোমিটাৰ বেগত গাড়ী চলাব পাৰিব। পথভেদে নিৰ্ধাৰিত গতিসীমা আৰু স্থানীয় যান-বাহন নিয়ম মানি চলাটো জৰুৰী। সুৰক্ষিত যাত্ৰাৰ বাবে চালকসকলে পথৰ নিৰ্দেশনা আৰু গতিসীমা সম্পৰ্কীয় ফলকসমূহলৈ লক্ষ্য ৰখা উচিত।

NKTV Digital
Author: NKTV Digital

Popular

More like this
Related

ভুলবশতঃ বাংলাদেশৰ সীমান্তত প্ৰৱেশ BSF জোৱানৰ! সশস্ত্ৰ অৱস্থাত জোৱানক আটক BGBৰ, ভাৰতলৈ ঘূৰাই অনাৰ বাবে চলিছে ফ্লেগ মিটিং

ভুলবশতঃ আন্তঃৰাষ্ট্ৰীয় সীমান্ত অতিক্ৰম কৰি বাংলাদেশত প্ৰৱেশ কৰা ভাৰতীয়...

IPLৰ পৰা অৱসৰ মহেন্দ্ৰ সিং ধোনিৰ! ২০২৭ৰ পৰা CSKৰ মেণ্টৰৰ দায়িত্বত ‘থালা’

ভাৰতীয় ক্ৰিকেটৰ এটা সোণালী অধ্যায়ৰ অৱসান ঘটিল। অৱশেষত ইণ্ডিয়ান...