বুধবাৰৰ পৰা আৰম্ভ অসমৰ অন্যতম ভূমিপুত্ৰ মৰাণ জনগোষ্ঠীৰ ৰঙালী বিহু

“হাঁচতি ঐ চ’ত
বিচতি ঐ চ’ত
বুধে বিৰচতি মঙলে উৰুকা
বিহু গৈ আছিলি ক’ত”

বুধবাৰৰ পৰা আৰম্ভ অসমৰ অন্যতম ভূমিপুত্ৰ মৰাণ জনগোষ্ঠীৰ ৰঙালী বিহু। পৰম্পৰা অনুসৰি বহাগৰ প্ৰথম বুধবাৰে মৰাণসকলে পালন কৰিছে গৰুবিহু। গৰু বিহু উপলক্ষে লোকাৰণ্য হৈ পৰিল নদী, নিজৰাৰ পাৰ। গৰুকেইটা জলাশয়ত নমাই নোৱালে–ধুৱালে ।

ৰঙালী বিহু পালনত মৰাণ জনগোষ্ঠীয়ে ৰাখিছে সুকীয়া বৈশিষ্ট্য। মৰাণ জনগোষ্ঠীয়ে পৰম্পৰা ৰক্ষা কৰি ব’হাগৰ প্ৰথমটো মঙলবাৰে উৰুকা, বুধবাৰে গৰু বিহু আৰু বৃহস্পতিবাৰে মানুহ বিহু হিচাপে পালন কৰি আহিছে। তিনিচুকীয়াত গৰু বিহুৰ দিনা একাংশৰ মৰমৰ হাতীটোকো আনি গা ধুৱালে।

ৰাজ্যৰ বিভিন্ন প্ৰান্তত থকা মৰাণ জনগোষ্ঠীৰ লোকসকলেও বুধবাৰৰ পৰা পৰম্পৰা ৰক্ষা কৰি পালন কৰিব ব’হাগ বিহু৷ মৰাণ জনগোষ্ঠীৰ ৰঙালী বিহুৰ ইতিহাস বহু পুৰণি।

ৰঙালীৰ মৰাণসকলে তেওঁলোকৰ গুৰু শ্ৰীশ্ৰী চতুৰ্ভুজ আৰু শ্ৰী শ্ৰী অষ্টভুজক স্মৰণ কৰে। গুৰু দুজনক বিহুৰ দিনতে মঙ্গল আৰু বুধবাৰে হত্যা কৰা হৈছিল। গুৰু দুজনক এই দিনত স্মৰণত কৰি বিহু উদযাপন কৰা হয়। তথাপি ই প্ৰাণৰ উৎসৱ। কৃষকৰ সৈতে সম্পৰ্ক আছে মৰাণসকলৰ ৰঙালী বিহুৰ।

আন এক জনশ্ৰুতি মতে, আহোম ৰজাই কুৰঙ্গনয়নীৰ হতুৱাই ৰাঘৱ মৰাণক বিহুৰ দিনাই হত্যা কৰাইছিল। সেয়ে আহোম ৰজাই পতা বিহুৰ সৈতে মৰাণসকলে বিহু নাপাতে, হুঁচৰি নাগায়। এই পৰম্পৰা আজিও অক্ষুণ্ণ আছে। মঙলবাৰে উৰুকাৰ পৰাই এক প্ৰকাৰ মৰাণসকলৰ ৰঙালী বিহুৰ শুভাৰম্ভ ঘটে। তথাপি বুধবাৰে গৰু বিহুৰে ৰঙালী বহুল ভাবে উদযাপন হয়।

NKTV Digital
Author: NKTV Digital

Popular

More like this
Related

অক্সফৰ্ডৰ মিউজিয়ামৰ পৰা ভাৰতলৈ ঘূৰাই পঠিওৱা হ’ল নগা জনগোষ্ঠীৰ ৩৯জন লোকৰ লাওখোলা

ব্ৰিটিছ ঔপনিৱেশিক শাসনৰ সময়ত ভাৰতৰ নগা জনগোষ্ঠীৰ পৰা সংগ্ৰহ...

২০০৪ চনত কিয় প্ৰধানমন্ত্ৰীৰ পদ গ্ৰহণ নকৰিলে ছোনিয়া গান্ধীয়ে? মনমোহন সিঙক বাছনি কৰাৰ আঁৰৰ কাৰণ প্ৰকাশ আত্মজীৱনীত

২০০৪ চনৰ লোকসভা নিৰ্বাচনত কংগ্ৰেছ নেতৃত্বাধীন ইউপিএ মিত্ৰজোঁটে বিজয়...