সুৰাই মানুহক কি পৰ্যায়লৈ লৈ যাব পাৰে এবাৰ ভাবক, এইবাৰ সুৰাৰ ৰাগীত ভাগিনীয়েকে মৰিয়াই মৰিয়াই হত্যা কৰিলে এজন লোকক। মহানগৰীৰ মঠঘৰীয়াত সংঘটিত হৈছে এই নৃশংস হত্যাকাণ্ড। মৃত লোকজন মঠঘৰীয়া নিবাসী উদয় ৰায় চৌধুৰী। উদয় ৰায় চৌধুৰী আৰু ৰাজা বসুমতাৰীয়ে একেলগে কৰিছিল মদ্যপান। মদ্যপানৰ সময়তে কথাৰ কটাকটি লাগিছিল দুয়োৰে। সুৰাৰ ৰাগীত ৰাজা বসুমতাৰীয়ে বাটামেৰে আক্ৰমণ কৰে উদয় ৰায়ক। ফলত গুৰুতৰভাৱে আহত হয় উদয় ৰায় চৌধুৰী ।অৱশেষত চিকিত্সালয়ত মৃত ঘোষণা উদয় ৰায় চৌধুৰীক। অভিযুক্ত ৰাজা বসুমতাৰীক গ্ৰেপ্তাৰ কৰিছে নুনমাটি আৰক্ষীয়ে।
