দক্ষিণ-পূব আফ্ৰিকাৰ দেশ মোজাম্বিকৰ উত্তৰ উপকূলত সংঘটিত এক নাও দুৰ্ঘটনাত কমেও ৯৫জন লোকৰ মৃত্যু হোৱাৰ লগতে আহত হয় আন কেইবাজনো লোক। দেওবাৰে সংঘটিত হয় এই নাও দুৰ্ঘটনা। নাওখনত ১৩০জন যাত্ৰী কঢ়িয়াই নিয়াৰ সময়তে সাগৰত ডুব যায় নাওখন। মোজাম্বিকৰ নামপুলা প্ৰদেশৰ লুংগা আৰু মোজাম্বিক দ্বীপৰ মাজত চলাচল কৰা এই সাধাৰণ নাওখনত বহন ক্ষমতাতকৈ অধিকসংখ্যক যাত্ৰী কঢ়িয়াই নিয়া হৈছিল। দুৰ্ঘটনা সংঘটিত হোৱাৰ পিছতে উদ্ধাৰ কাৰ্য চলোৱা হয় যদিও সাগৰৰ ঢৌত উটি যায় বহুসংখ্যক যাত্ৰী। উল্লেখ্য যে মোজাম্বিকৰ বিভিন্ন অঞ্চলত কলেৰা ৰোগৰ প্ৰদূৰ্ভাৱ ঘটাৰ পিছতে এই ৰোগৰ পৰা হাত সাৰিবলৈ নাৱেৰে পলায়ন কৰিছিল এইসকল লোকে। আনহাতে প্ৰশাসনে দাবী কৰা মতে কলেৰা ৰোগে মোজাম্বিকত এতিয়াও ব্যাপকৰূপ ধাৰণ কৰা নাই যদিও একাংশ লোকে প্ৰচাৰ কৰা উৰা বাতৰিত ভোল গৈ এইসকল লোকে সাধাৰণ নাওখনেৰে আঁতৰি যোৱাৰ চেষ্টা চলাইছিল।
মোজাম্বিকত ভয়াৱহ নাও দুৰ্ঘটনা
দুৰ্ঘটনাত নিহত কমেও ৯৫জন লোক
মোজাম্বিকৰ উত্তৰ উপকূলত সংঘটিত এই ঘটনা
সাধাৰণ নাওখনত আছিল ১৩০জনৰো অধিক লোক
দুৰ্ঘটনাৰ পিছতে ঢৌত উটি যায় বহু লোক
কলেৰা ৰোগৰ পৰা পৰিত্ৰাণ বিচাৰি পলায়ন কৰিছিল তেওঁলোকে
মোজাম্বিকৰ বহু অঞ্চলত কলেৰাৰ প্ৰাদূৰ্ভাৱ