অসমৰ ভূমিত পুনৰ বেদখলৰ চেষ্টা মিজোৰামৰ । এইবাৰ আকৌ হাইলাকান্দি জিলাৰ অসম মিজোৰাম সীমান্তত মিজোৱে নিৰ্মাণ কৰিলে পথ । লগতে ফিচাৰি নিৰ্মাণ কৰাৰো তথ্য পোহৰলৈ আহিছে।
হাইলাকান্দি জিলাৰ গল্লাছেড়া অঞ্চলত মিজোৱে শ শ গছ কাটি নিৰ্মাণ কৰিছে পথ আৰু ফিচাৰি। কিন্তু ইমানৰ পিছতো হাইলাকান্দি জিলা প্ৰশাসন আৰু বন বিভাগ এই বিষয়ত আছিল সম্পূৰ্ণ অজ্ঞ।
অৱশেষত NKTVত এই সন্দৰ্ভত বাতৰি প্ৰকাশ পোৱাৰ পিছত নিদ্ৰাভংগ হ’ল হাইলাকান্দি জিলা প্ৰশাসনৰ।
আজি হাইলাকান্দি আৰক্ষী আৰু বন বিভাগৰ এটা দল ঘটনাস্থলিত উপস্হিত হৈ বুজ লয় পৰিস্হিতিৰ।
ইপিনে অতি সংবেদনশীল এই বিষয়টোক লৈ ৰাজ্য চৰকাৰ তথা হাইলাকান্দি জিলা প্ৰশাসনৰ এই লেহেমিয়া নীতিৰ তীব্ৰ সমালোচনা কৰিছে স্থানীয় দল-সংগঠনে।
