পিছুৱাই দিয়া হ’ল মিছ ৱৰ্ল্ড ২০২১ প্ৰতিযোগিতা। কেইবাগৰাকী প্ৰতিযোগীৰ লগতে আয়োজক কমিটীৰ কেইবাজনো সদস্য ক’ভিডত আক্ৰান্ত হোৱাত কৰ্তৃপক্ষই পিছুৱাই দিয়ে এই সুন্দৰী প্ৰতিযোগিতা। পুৱেৰ্ট’ ৰিকোত ১৬ ডিচেম্বৰত অনুষ্ঠিত হ’বলগীয়া আছিল মিছ ৱৰ্ল্ড প্ৰতিযোগিতাৰ চূড়ান্ত ৰাউণ্ড।
আয়োজক সমিতিৰ লগতে প্ৰতিযোগীসকলৰ সুৰক্ষাৰ প্ৰতি লক্ষ্য ৰাখি পিছুৱাই দিয়া হয় এই প্ৰতিযোগিতা। প্ৰতিযোগী আৰু আয়োজককে ধৰি মুঠ ১৭ গৰাকী লোক ক’ভিডত আক্ৰান্ত হৈছে। আক্ৰান্তসকলৰ ভিতৰত আছে ভাৰতীয় প্ৰতিযোগী মনসা বাৰানসী। মনসাই ২০২০ চনত মিছ ইণ্ডিয়াৰ খিতাপ দখল কৰিছিল।
