কৃষকৰ বাবে সুখৰ বতৰা। বোকাখাতত ১০০০ মেট্ৰিক টন শস্য মজুত ৰখাৰ ভঁৰাল গৃহ উন্মোচন। ১ কোটি ৬০ লাখ টকাৰ ব্যয় সাপেক্ষে নিৰ্মাণ হ’ব লগা কৃষি জ্ঞান কেন্দ্ৰৰ নিৰ্মাণৰ শুভাৰম্ভ। আজি কৃষি মন্ত্ৰী অতুল বৰাই কৃষকৰ উৎপাদিত শস্য মজুত ৰাখিবৰ বাবে ১০০০ মেট্ৰিক টনৰ পৰিসৰৰ ভঁৰাল গৃহৰ দ্বাৰ মুকলি কৰাৰ লগতে নতুনকৈ নিৰ্মাণ হ’ব লগা কৃষি জ্ঞান কেন্দ্ৰৰ নিৰ্মাণ কাৰ্যৰ শুভাৰম্ভ কৰে। বোকাখাতৰ কৃষকক সকাহ দিবৰ বাবে মহকুমা কৃষি বিষয়াৰ কাৰ্যলয়টোৰ পৰিত্যক্ত অৱস্থাত থকা পুৰণা গৃহসমূহ নতুনকৈ নিৰ্মাণ কৰাৰ লগতে বোকাখাতত এটা শীতল ভঁৰাল নিৰ্মাণ কৰাৰ পৰিকল্পনাৰ কথা সদৰি কৰে।
