মংগলবাৰে দিশপুৰ চৰকাৰী উচ্চতৰ মাধ্যমিক বিদ্যালয়ত পঞ্জীয়নভূক্ত স্বেচ্ছাসেৱী সংগঠন “সদিচ্ছা”ৰ উদ্যোগত ঋতুস্ৰাৱজনিত সচেতনতা অভিযানৰ অন্তৰ্গত এটি অনুষ্ঠানৰ আয়োজন কৰা হয় ।
ছাত্ৰীসকলৰ লগত “সদিচ্ছা”ৰ সদস্যসকলে ঋতুস্ৰাৱৰ সময়ত ল’বলগীয়া যত্ন , সাৱধানতা সন্দৰ্ভত মত বিনিময় কৰে ।
প্ৰায় ৩০০ গৰাকী ছাত্ৰী আৰু বিদ্যালয়খনৰ চতুৰ্থ বৰ্গৰ মহিলা কৰ্মচাৰীৰ মাজত “সদিচ্ছা পেড বেংক”ৰ পৰা বিনামূলীয়াকৈ ছেনিটেৰী পেড বিতৰণ কৰা হয়।
উল্লেখযোগ্য যে সদিচ্ছাৰ এই অভিযানে গুৱাহাটীৰ বিভিন্ন চৰকাৰী বিদ্যালয় , মহাবিদ্যালয় , পদপথ আৰু দৈনিক বজাৰসমূহৰ বিক্ৰেতা, হৰিজন কলনীৰ বাসিন্দা, চৰকাৰী চিকিসালয়ৰ ৰোগী আৰু অভিভাৱকসকলকো সাঙুৰি লৈছে ।
