সংকটত খিলঞ্জীয়া। গোৱালপাৰাৰ মাটিয়াত খিলঞ্জীয়ালৈ ভাবুকি।অঞ্চলটোৰ বহু কৃষিভূমি বেদখলকাৰীৰ কবলত। শংকিত মাটিয়াবাসী। চৰকাৰী মুগা চোমনি বাগানৰ কাষৰ মাটি এতিয়া বেদখলকাৰীৰ কবলত। নিশাটোৰ ভিতৰতেই মাটি দখল কৰি সাজিছে ঘৰ। দ’ কৃষি ভূমিত ঘৰ সাজি বসতিস্থল গঢ়িছে সন্দেহজনক লোকে। এই সন্দেহজনক লোকসকলক শীঘ্ৰেই উচ্ছেদ কৰাৰ দাবী স্থানীয়ৰ।
বেদখলকাৰীয়ে ইমানতে ক্ষান্ত নাথকি ইতিমধ্যেই চৰকাৰী মুগা চোমনিৰ ৭৫ শতাংশ মাটি দখল কৰি ঘৰ সাজিছে। ইপিনে স্থানীয় লোকৰ অভিযোগ সন্দেহজনক লোকৰ দ্বাৰা মাটিয়া অঞ্চলত সঘনাই সংঘটিত হৈছে চুৰি, ডকাইতি, ধৰ্ষণৰ দৰে ঘটনা৷ অভিযোগ অনুসৰি এই অঞ্চলত কিছুদিন পূৰ্বে এগৰাকী ৭০ বছৰীয়া মহিলাক ধৰ্ষণ কৰা হৈছিল৷ ইতিমধ্যে অপৰাধীক আৰক্ষীয়ে কৰায়ত্ত কৰিছে৷
সেয়ে ৰাইজে এই সন্দেহজনক লোকসকলক শীঘ্ৰেই উচ্ছেদ কৰাৰ দাবী জনাইছে চৰকাৰ প্ৰশাসনক।
