মেক্সিকান গায়ক ডান ছাৰে নিজৰ মূৰৰ লাওখোলাত অস্ত্রোপচাৰৰ জৰিয়তে সোণৰ চেইন সংলগ্ন কৰা ঘটনাক লৈ ছ’চিয়েল মিডিয়াত সৃষ্টি হৈছে চাঞ্চল্য। ছ’চিয়েল মিডিয়াত গায়কজনে আপলোড কৰা ফটো দেখি অভিভূত হৈ পৰিছে বিশ্ববাসী। এই নতুন বেশভূষাৰে এক সংগীত ভিডিঅ’ মুকলি কৰি দি ৰেপাৰজনে কৈছে যে, মানৱ ইতিহাসত তেওঁ প্রথমগৰাকী এনে গায়ক, যিয়ে সোণৰ চুলিৰে সংগীত পৰিৱেশন কৰিব।
উল্লেখযোগ্য যে, ২৩ বছৰীয়া গায়কজনে অস্ত্রোপচাৰৰ জৰিয়তে লাওখোলাত সোণৰ জিঞ্জিৰি লগাই লোৱা পৰিলক্ষিত হৈছে। ইফালে, গায়কজনৰ এনে কার্যক লৈ বিশ্বৰ চিকিৎসকসকলৰ মাজত সৃষ্টি হৈছে কৌতূহল।
