AICCৰ পৰৱৰ্তী সভাপতি হিচাপে নিৰ্বাচিত হৈছে গান্ধী পৰিয়ালৰ অতি ঘনিষ্ঠৰূপে পৰিচিত মল্লিকাৰ্জুন খাৰ্গে। বুধবাৰে ঘোষিত ফলাফল অনুসৰি ৬ হাজাৰতকৈ অধিক ভোটৰ ব্যৱধানত প্ৰতিদ্বন্দ্বি প্ৰাৰ্থী শশী থাৰুৰক পৰাস্ত কৰিছে খাৰ্গেই। সুদীৰ্ঘ ২৪ টা বছৰৰ মূৰত ভাৰতীয় জাতীয় কংগ্ৰেছৰ সভাপতিৰ নিৰ্বাচন অনুষ্ঠিত হৈছিল। বিগত ২২ বছৰ ধৰি গান্ধী পৰিয়ালৰ হাততেই আছিল সভাপতিৰ পদ। শেষবাৰৰ বাবে AICCত গান্ধী পৰিয়ালৰ বাহিৰৰ সভাপতি আছিল সীতাৰাম কেশৰী। আৰু এইবাৰ অনুষ্ঠিত নিৰ্বাচনত শশী থাৰুৰক হৰুৱাই বিজয়ী হয় গান্ধী পৰিয়ালৰ অতি ঘনিষ্ট বুলি জনাজাত প্ৰবীন কংগ্ৰেছ নেতা মল্লিকাৰ্জুন খাৰ্গে।
