লিভ-ইন পাৰ্টনাৰে হত্যা কৰিলে মহিলাক। চাঞ্চল্যকৰ হত্যাকাণ্ডই পুনৰ জোকাৰিছে দেশ। মহিলাগৰাকীক হত্যা কৰি বস্তাত ভৰাই থৈ দিয়া হৈছিল জাবৰভৰ্তি ট্ৰাকত। তাৰ পিছতেই উদ্ধাৰ কৰা হয় মহিলাগৰাকীৰ মৃতদেহ। বাংগালুৰুত সংঘটিত হৈছে এই ঘটনা। মহম্মদ ছামছুদ্দিন নামৰ নৰাধমটোৱে হত্যা কৰে মহিলাগৰাকীক। অভিযুক্ত ছামছুদ্দিনৰ ঘৰ অসমত।
সংবাদ মাধ্যমত প্ৰচাৰিত খবৰ অনুসৰি ৪০ বছৰীয়া মহিলাগৰাকীৰ স’তে ডেৰ বছৰ ধৰি একেলগে আছিল ছামছুদ্দিন। ছামছুদ্দিনৰ পত্নী আৰু সন্তান থাকে অসমত। দক্ষিণ বাংগালুৰুৰ হুলিমাভু অঞ্চলৰ এটা ভাৰাঘৰত আছিল দুয়ো। বিবাহিত মহিলাগৰাকীৰো আছে দুটা সন্তান। ইতিমধ্যে মৃত্যু হৈছে মহিলাগৰাকীৰ স্বামীৰ। CCTVৰ ফুটেজ পৰীক্ষা কৰি তদন্ত আৰম্ভ কৰিছে আৰক্ষীয়ে।
