বন্যপ্ৰাণীক লৈ বন বিভাগৰ নাটক

প্ৰায় এসপ্তাহে ডিব্ৰুগড়ৰ বগীবিলৰ ব্ৰহ্মপুত্ৰ চাপৰিত পলসত আবদ্ধ মৃত্যুৰে যুঁজি থকা ডিব্ৰু ছৈখোৱাৰ বনঘৰচীয়া ঘোঁৰা জাকৰ কৰুণ দৃশ্যই বুকু গধুৰ কৰি তুলিছিল সকলোৰে। NKTVত বাতৰি সম্প্ৰচাৰ হোৱাৰ পিছতে বহুকেইটা ঘোঁৰাক স্থানীয় ৰাইজে কৰিছিল উদ্ধাৰ। কিন্তু অনাহাৰে পলসত পোটগৈ দুৰ্বল হৈ পৰা দুটা ঘোঁৰা উদ্ধাৰ কৰিব নোৱাৰিলে ৰাইজে। খবৰ দিয়া হ’ল বন বিভাগক। যুঁজি যুঁজি মৃত্যুৰ কোলাত ঢলি পৰিল ঘোঁৰাকেইটা, কিন্তু নাহিল বন বিভাগ। এনে চূড়ান্ত দায়িত্বহীনতাৰ বাবে সকলোৱে একে মুখে গৰিহণা দিলে বিয়াগোম বন বিভাগটোক। তাৰ পিছত মুখলজ্জা ঢাকিবলৈ বন বিভাগে এক অভিসন্ধি ৰচাৰ অভিযোগ উঠিছে। বানৰ সময়ত ডিব্ৰু ছৈখোৱাৰ পৰা বনঘৰচীয়া ঘোঁৰা উটি অহাটো আজিৰ কথা নহয়। কিন্তু এইবাৰ ককৰ্থনাৰ পৰা হাত সাৰিবলৈ এই ঘোঁৰাখিনিক বন বিভাগে সজালে ঘৰচীয়া। আনকি মৃত ঘোঁৰাকেইটাৰ গৰাকীও বিচাৰি উলিয়ালে বন বিভাগে। ডিব্ৰুগড় বন বিভাগৰ এই কাৰ্যৰ পিছতে জাঙুৰ খাই উঠিছে সৰ্বস্তৰৰ ৰাইজ। সকলোৱে দিছে গৰিহণা

অভিযোগ মতে বন বিভাগে ঘোঁৰাৰ মালিক হিচাপে আগবঢ়াই দিয়া ২ ব্যক্তিৰ মালিকানাধীন কাগজ-পত্রক লৈ আছে ব্যাপক বিসংগতি। সেই সন্দৰ্ভত তথ্য বিচাৰি ডিব্ৰুগড়ৰ বন বিষয়াৰ কাৰ্যালয়ত উপস্থিত হৈছিল আমাৰ সাংবাদিক। কিন্তু তথ্য দিয়াৰ পৰিৱৰ্তে সাংবাদিকক উলিয়া কোঠাৰ দুৱাৰ মাৰি সোমাল বন বিষয়া।

সেয়ে এতিয়া অভিযোগ উঠেছে, পাকে-প্ৰকাৰে মেনেজ কৰি নিজৰ গাৰ পৰা চেকা এৰুৱাবলৈ ৰাতিটোৰ ভিতৰতে ডিব্ৰুগড়ৰ বন বিভাগে ঘোঁৰা সমূহৰ দুজন মালিক উলিয়াই, আগবঢ়াই দিছে। যাতে সাপো মৰক, লাঠিও নাভাঙক।

কিন্তু প্ৰশ্ন হয় যদি সঁচাই তিল তিল কৈ মৃত্যু হোৱা ঘোঁৰাকেইটা ঘৰচীয়া, তথাপি বন বিভাগে এনেদৰেই মৰিবলৈ এৰি দিয়াটো উচিত আছিল নে? খবৰ দিয়াৰ পিছতো ঘোঁৰাকেইটা উদ্ধাৰৰ বাবে নাহি পাছত ঘোঁৰাকেইটা ঘৰচীয়া বুলি ক’লেই দায়িত্ব শেষ হয় নেকি বন্যপ্ৰাণীৰ সুৰক্ষাৰ বাবে থকা বিভাগটোৰ? ঘোঁৰাকেইটাৰ জীৱিত কালত কোনো পদক্ষেপ নোলোৱা ডিব্ৰুগড়ৰ DFOয়ে অৱশ্যে সৰ্বত্ৰ গঞ্জনৰা সন্মুখীন হৈ ঘটনাৰ তদন্তৰ নিৰ্দেশ দিয়া বুলি জানিব পৰা গৈছে।

Popular

More like this
Related

কলিয়াবৰত বনৰীয়া ম’হৰ ত্ৰাস

কলিয়াবৰত বনৰীয়া ম'হৰ ত্ৰাস। বিগত এমাহে এটা বনৰীয়া ম'হৰ...

গুৱাহাটীৰ ৰাজপথত তাণ্ডৱ চলালে সুৰাপায়ী যুৱতীয়ে

সুৰাৰ অবিহনে যেন উদযাপন কৰিব নোৱাৰে একাংশই। সুৰাৰ বাবেই...

বজাৰত উপলব্ধ গুৱাহাটীৰ যুৱতীৰ অশ্লীল ফটো

সুন্দৰী যুৱতীৰ নগ্ন ফটো পৰ্ণ চাইটত বিক্ৰী। বজাৰত উপলব্ধ...

হোৱাইট হাউছত ট্ৰাম্প প্ৰশাসনৰ সৈতে বৈঠক Metaৰ CEO মাৰ্ক জাকাৰবাৰ্গৰ

ফেচবুকৰ মূল কোম্পানী METAৰ মুখ্য কাৰ্যবাহী বিষয়া (CEO) মাৰ্ক...