গুৱাহাটীত ট্ৰাকে প্ৰাণ কাঢ়িলে সাতগাঁৱৰ এগৰাকী ছাত্ৰীৰ

ট্ৰাকে প্ৰাণ কাঢ়িলে গুৱাহাটীৰ সাতগাঁৱৰ এগৰাকী ছাত্ৰীৰ। আজাৰা থানাৰ অন্তৰ্গত খনামূখত সংঘটিত হৈছিল দুৰ্ঘটনা। দুৰ্ঘটনাত পতিত হৈ চিকিৎসাধীন হৈ আছিল ছাত্ৰীগৰাকী। চিমৰণ হাজৰিকা নামৰ ছাত্ৰী গৰাকীৰ মৃত্যুক সাতগাঁৱত শোক দুৰ্ঘটনাত গুৰুতৰভাৱে আহত হৈ জীৱন মৃত্যুৰে যুঁজি আছে জেৰিফা বেগম নামৰ আন এগৰাকী ছাত্ৰীয়ে। বৃহস্পতিবাৰে স্কুটীৰে বান্ধৱীৰ সৈতে জন্মদিনত ভাগ ল’বলৈ গৈছিল দুয়োগৰাকী ছাত্ৰীয়ে। বৰঝাৰ অভিমুখে গৈ থকাৰ সময়তে পিছফালৰ পৰা খুন্দা মাৰে এখন ট্ৰাকে। দুৰ্ঘটনাত গুৰুতৰভাৱে আহত ২ যুৱতীক ভৰ্তি কৰোৱা হৈছিল চিকিৎসালয়ত। নিশা ছয়মাইলৰ এখন চিকিৎসালয়ত শেষ নিশ্বাস ত্যাগ কৰে চিমৰণ হাজৰিকাই। দুৰ্ঘটনা সংঘটিত কৰা ট্ৰাকখন জব্দ কৰিছে আজাৰা আৰক্ষীয়ে।