২৪ ঘণ্টাত অসমত ক’ভিডত মৃত্যু হৈছে ১৮জনৰ

অসমত বিগত ২৪ ঘণ্টাত ক’ভিডত মৃত্যু হৈছে ১৮জন লোকৰ। ২৪ ঘণ্টাত ৰাজ্যত ক’ভিডত আক্ৰান্ত হৈছে ৫,৯০২ জন লোক। কেৱল গুৱাহাটীসহ কামৰূপ মহানগৰতে আক্ৰান্ত হৈছে ১,০৪৪ জন। আজিৰ দিনটোত ক’ভিড পৰীক্ষা কৰা হৈছিল ৫৬,৫১৯জনৰ। অসমত পজিটিভিটীৰ হাৰ হৈছে ১০.৪৪ শতাংশ। আৰোগ্যৰ হাৰ ৯২.৫৯ শতাংশ। ইফালে দেওবাৰে ১৮ হাজাৰ ক’ভিড টেষ্ট কৰোৱা হৈছিল। ইয়াৰে ২,২৭৭জন লোকৰ দেহত পোৱা গৈছিল কভিড পজিটিভ। দেওবাৰে ৰাজ্যত ক’ভিডত আক্ৰান্তৰ হাৰ আছিল ১২.৫৭ শতাংশ। কামৰূপ (ম) ত ক’ভিডত আক্ৰান্ত হৈছিল ৭৭১জন। ৰাজ্যত দেওবাৰে ক’ভিডত প্ৰাণ হেৰুৱাইছিল ১৩জন আক্ৰান্তই। ক’ভিডত আৰোগ্যৰ হাৰ আছিল ৯২.৫৭ শতাংশ।