ঈদৰ উছাহৰ মাজতে দুটা ফৈদৰ মাজত মাৰপিটৰ ঘটনা। ন বোৱাৰীক ফটো উঠোৱাক কেন্দ্ৰ কৰি দুটা ফৈদৰ মাজত তুমুল মাৰপিট। নগাঁৱৰ কঠিয়াতলীৰ বুকলুঙত সংঘটিত হৈছে এই ঘটনা। গিয়াচুদ্দিন নামৰ এজন লোকে এগৰাকী ন বোৱাৰীক ফটো তুলিবলৈ লোৱাত বোৱাৰীগৰাকীৰ পৰিয়ালৰ লোকে গিয়াচুদ্দিনক বাধা প্ৰদান কৰাত তৰ্ক-বিতৰ্কত লিপ্ত হৈ উভতি যায় যদিও পুনৰ গিয়াচুদ্দিনে প্ৰায় ৩০জন মান লোকক লগত লৈ বোৱাৰী গৰাকীৰ পৰিয়ালক মাৰপিট কৰি বাসগৃহত অগ্নিসংযোগ কৰাৰ অভিযোগ। এই ঘটনাত ৯জন লোক আহত হৈছে। আহত আব্দুল চালাম, ৰস্তুম আলি, তাহেৰ আলী, আতাবুৰ ইছলাম, ৰবিনা খাতুন, ৰমজান আলী, জাহেদা খাতুন, ৰাছিদা খাতুন আৰু জাকিৰ হুছেইনক ভৰ্তি কৰোৱা হৈছে হাস্পতালত।
