বলীউডৰ এগৰাকী জনপ্ৰিয় অভিনেত্ৰী কংগনা ৰানাৱট। নতুনকৈ চিনাকী কৰি দিয়াৰ প্ৰয়োজনেই নাই। নিজৰ বলিষ্ঠ অভিনয়েৰে হাজাৰ হাজাৰ দৰ্শকৰ মন মুহিছে অভিনেত্ৰীগৰাকীয়ে। সমান্তৰালভাবে বংশবাদ বা নেপটিজমৰ বিষয়ে ধাৰাবাহিকভাবে নিজৰ কণ্ঠ দাঙি ধৰি একপ্ৰকাৰ ৰাষ্ট্ৰীয় সংবাদ মাধ্যমত খলকনি তুলিছিল। হিমাচলৰ পৰা মায়ানগৰীলৈ কংগনাৰ অভিনয় যাত্ৰা এতিয়া বহুতৰ বাবে অনুপ্ৰেৰণাৰ উত্স।
শেহতীয়াভাবে কংগনাৰ মুক্তি পাবলগীয়া চলচ্চিত্ৰ ধাক্কড়। নামটোৱেই কয়, অভিনেত্ৰীগৰাকীৰ দৰে এক শক্তিশালী চৰিত্ৰ থাকিব চিনেমাখনত। আজি চিনেমাখনৰ ট্ৰেইলাৰ মুকলিৰ বাবে অভিনেত্ৰীগৰাকীয়ে কেইবাখনো ফটো আপলোড কৰিছে। কলা আৰু ৰূপালী বৰণ মিশ্ৰিত পোছাক পিন্ধি ফটো শ্বেয়াৰ কৰাৰ লগে লগে অনুৰাগীয়ে মুহূৰ্ততে ভাইৰেল কৰিছে আলোকচিত্ৰ। চিনেমাখনৰ কাহিনীটোৱেও ইতিমধ্যে বিশেষভাবে চৰ্চা লাভ কৰিছে।
