ভাৰত-পাকিস্তানৰ মেচ মানেই উন্মাদনা,ৰোমাঞ্চ। তাকেই প্ৰমাণ কৰিলে ভাৰত আৰু পাকিস্তানৰ ক্ৰিকেট অনুৰাগীয়ে, কাৰণ আগন্তুক ২৩ অক্টোবৰত ভাৰত-পাকিস্তানৰ মাজত অনুষ্ঠিত হ’ব লগা টি-২০ বিশ্বকাপৰ মেচৰ টিকট আজি ICC- এ মুকলি কৰিছিল। আৰু আপুনি জানি আচৰিত হ’ব যে পাঁচ ঘণ্টাৰ ভিতৰত আটাইকেইটা টিকট বিক্ৰী হৈ যায়!
চিডনী মৰ্ণিং হেৰাল্ডৰ অনুসৰি, ২৩ অক্টোবৰত MCGত অনুষ্ঠিত হ’ব লগা ভাৰত বনাম পাকিস্তান মেচৰ বাবে ICC- এ মুকলি কৰে প্ৰায় ৬০,০০০ তকৈও অধিক টিকট ইতিমধ্যে বিক্ৰী কৰা হৈছে।
