আন্তঃৰাষ্ট্ৰীয় ক্ৰিকেট কাউন্সিল (ICC)-এ ঘোষণা কৰিছে এক গুৰুত্বপূৰ্ণ সিদ্ধান্ত। প্ৰথমবাৰৰ বাবে অনুষ্ঠিত হ’বলগীয়া ICC Women’s Champions Trophy 2027 ভাৰতত অনুষ্ঠিত হ’ব। ১৪ ফেব্ৰুৱাৰীৰ পৰা ২৮ ফেব্ৰুৱাৰীলৈ চলিব এই ঐতিহাসিক প্ৰতিযোগিতা।
মুম্বাইৰ Cricket Club of India (CCI) আৰু Vadodara International Cricket Stadium হ’ব প্ৰতিযোগিতাখনৰ দুটা মূল ভেন্যু।
৬টা শীৰ্ষ দলৰ যুঁজ
প্ৰতিযোগিতাখনত অংশগ্ৰহণ কৰিব বিশ্বৰ ছটা আগশাৰীৰ মহিলা ক্ৰিকেট দলে— অষ্ট্ৰেলিয়া, ইংলেণ্ড,ভাৰত, নিউজিলেণ্ড,দক্ষিণ আফ্ৰিকা, শ্ৰীলংকা।
৬ জুলাইৰ ICC Women’s T20I Team Rankings-ৰ ভিত্তিত এই দলসমূহে প্ৰতিযোগিতাত স্থান লাভ কৰিছে।
কেনেকৈ হ’ব প্ৰতিযোগিতা?
লীগ পৰ্যায়ত প্ৰতিটো দলে আন প্ৰতিটো দলৰ বিৰুদ্ধে খেলিব। লীগ পৰ্যায়ৰ শীৰ্ষ দুটা দলে ২৮ ফেব্ৰুৱাৰীত অনুষ্ঠিত ফাইনেলত মুখামুখি হ’ব।
মূলতঃ এই প্ৰতিযোগিতা শ্ৰীলংকাত অনুষ্ঠিত হোৱাৰ কথা আছিল। কিন্তু শ্ৰীলংকা ক্ৰিকেটে ICC-ৰ বাৰ্ষিক সন্মিলনত নিৰ্ধাৰণ কৰা প্ৰয়োজনীয় সংস্কাৰসমূহ অব্যাহত ৰখাৰ পৰিপ্ৰেক্ষিতত স্থান সলনি কৰা হয়।
ভাৰতেই কিয় হ’ল বিকল্প আয়োজক?
ICC-এ আয়োজক নিৰ্বাচনৰ নিৰ্ধাৰিত মাপকাঠীৰ ভিত্তিত বাংলাদেশ, ভাৰত আৰু দক্ষিণ আফ্ৰিকাক মূল্যায়ন কৰে। ইয়াৰ পিছত ভাৰতক বিকল্প আয়োজক হিচাপে নিৰ্বাচনৰ পৰামৰ্শ দিয়া হয়। ২ ছেপ্টেম্বৰত ICC Board-এ এই সিদ্ধান্তত অনুমোদন জনায়।
ICC-ৰ অধ্যক্ষ জয় শ্বাহে কয় যে Women’s Champions Trophy 2027-এ মহিলা ক্ৰিকেটৰ বাবে এক নতুন অধ্যায়ৰ সূচনা কৰিব। বিশ্বৰ শ্ৰেষ্ঠ দলসমূহে এক উচ্চমানৰ প্ৰতিযোগিতাত অংশগ্ৰহণ কৰাৰ লগতে ৰেংকিঙত ওপৰলৈ উঠি বিশ্বমঞ্চত স্থান লাভৰ বাবে দলসমূহৰ মাজত অধিক প্ৰতিযোগিতামূলক পৰিৱেশ সৃষ্টি হ’ব।
ICC-ৰ মতে, প্ৰতি বছৰে এটা বৃহৎ মহিলা ক্ৰিকেট প্ৰতিযোগিতা অনুষ্ঠিত হোৱাৰ ফলত মহিলা ক্ৰিকেট, খেলুৱৈ আৰু অনুৰাগীৰ মাজত অধিক আগ্ৰহ আৰু গতি সৃষ্টি হোৱাৰ সম্ভাৱনা আছে।
